web counter
LEXO PA REKLAMA!

SHKARKO APP

App Store
Google Play

Sulmet iraniane/ Gjendja e shqiptarëve në Lindjen e Mesme

15 Prill 2024, 11:21, Aktualitet CNA

Sulmet iraniane/ Gjendja e shqiptarëve në Lindjen e Mesme

Qytetarët shqiptarë, që udhëtuan javën e kaluar për arsye pune apo turistike në Lindjen e Mesme, janë shëndoshë e mirë, njofton ministri i Jashtëm, Igli Hasani. 

"Prej mbrëmjes së të shtunës, përmes koordinimit të pandërprerë me ambasadat e Republikës së Shqipërisë në Izrael e Egjipt, nisëm punën për të organizuar kthimin e të gjithë qytetarëve shqiptarë, fluturimet e të cilëve u anuluan për shkak të situatës së tensionuar në rajon", shprehet Hasani. 

Ai sqaron se 10 nxënës që studiojnë në shkollat ndërkombëtare në Izrael, 7 prej të cilëve nga Shqipëria dhe 3 nga Kosova, së bashku me 5 punonjës të Ministrisë së Turizmit dhe familjarë të tyre, kanë mbërritur në Qipro.

Ndërsa sot në mbrëmje të 15 qytetarët që u larguan nga Tel Avivi udhëtojnë drejt Tiranës e Prishtinës.

"Po punohet për kthimin në atdhe edhe të dy qytetarëve, të cilët nuk mundën dot të përgjigjeshin në telefon të dielën, ndërsa përgatitej fluturimi i radhës. Ndërkohë, 13 turistë shqiptarë janë larguar mbrëmjen e djeshme nga Jordania, e prej disa orësh janë pranë familjeve të tyre në atdhe. Mirënjohje diplomatëve të Republikës së Shqipërisë në Izrael e Egjipt, të cilët ndihmuan dhe asistuan qytetarët në këto orë të vështira", shprehet Hasani./CNA 





Lajmet e fundit nga