E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Veliaj nuk ndal propagandën/ "Shuplaka" e komentuesit: Sa miliona kanë ngrënë 5D këtu

15 Prill 2024, 19:44, Aktualitet CNA

Veliaj nuk ndal propagandën/ "Shuplaka" e komentuesit: Sa miliona

Kryebashkiaku Erion Veliaj

Kryebashkiaku Erion Veliaj tenton që me propagandën të zhvendosë vëmendjen nga dosja 5D dhe nga miliona eurot e vjedhura nga drejtorët e tij hajdutë.

Duket se Veliaj pretendon se megavjedhjen e drejtorëve të tij mund ta kalojë me propagandë duke na treguar se po punon për qendra komunitare.

Por, qytetarët nuk humbasin rastin për t’i treguar se nuk kanë harruar që drejtorët e tij në burg kanë zhvatur xhepat e taksapaguesve shqiptarë.

Tashmë në rrjetet sociale të kryebashkiakut shohim minimizim të komenteve apo reagimeve ndaj punëve të tij, ashtu si në postimin ku tregon se po ngre një qendër komunitare në Vaqarr.

Një prej komentuesve që duket se komenti i tij ka "shpëtuar" pa u zhdukur nga makineria shkruan: "Sa miliona kanë ngrënë 5D këtu."

Veliaj nuk ndal propagandën/ "Shuplaka" e komentuesit: Sa miliona

Erion Veliaj nuk mund të mashtrojë qytetarët me propagandë ashtu si në rastin e pyllit orbital të cilin e nxorri zbuluar raporti i Bankës Botërore.

Sipas Bankës Botërore, në 7 vitet e fundit Tirana jo vetëm që nuk është bërë më e gjelbër, por përkundrazi, ka shënuar reduktim të sipërfaqeve të gjelbra.

“Qytetet e mëdha të rajonit, si Beogradi, Shkupi, Sarajeva dhe Prishtina dëshmuan një rritje të sipërfaqes së gjelbër midis 2015 dhe 2020, ndërsa Tirana, Tetova dhe Prizreni përjetuan rënie në mbulesën e gjelbër,” thuhet qartë në raportin e Bankës Botërore.

Kështu sado që Veliaj të përpiqet të largojë vëmendjen nga skandali i 5D nuk do të mundet pasi zullumi dhe vjedhja është aq e madhe dhe ka rënduar aq shumë në xhepat e shqiptarëve, saqë propaganda dhe gënjeshtrat e tij që po dalin ditë pas dite nuk do të mund ta mbyllin.

Skema e vjedhjes, afera më e madhe pas inceneratorëve, nuk mund të mbyllet me disa drejtorë në burg.

"Këmbana" e alarmit po bie dhe për drejtorë të tjerë të cilët janë në hetim. Arrestime të tjera priten.

Bashkia e Tiranës tashmë ka rënë pasi i gjithë zinxhiri komandues ka përfunduar pas hekurave ose janë nën hetim./ CNA