web counter
LEXO PA REKLAMA!

SHKARKO APP

App Store
Google Play

E fundit!

x

Kur “kolegët” të tregojnë derën

30 Prill 2024, 11:22, Politikë CNA

Kur “kolegët” të tregojnë derën

Erion Veliaj u paraqit sot në SPAK dhe si gjithmonë bëri një lëvizje të tij. Ai shkoi rreth një orë para për të mos pasur kamera, për t’iu shmangur pritjes së tyre apo dhe për të treguar se shkonte vetë dhe jo kur donte SPAK-u, apo fletëthirrja e tretë.

Dy të parat Veliaj i justifikoi me arsye shëndetësore dhe me agjendë jashtë vendit.

Sipas videove që u panë, Erion Veliaj rastësisht u përplas me një grup qytetarësh, të cilët ndodheshin në krah të Gjykatës së Posaçme, ku është edhe Gjykata Penale, në të cilën po zhvilloheshin masat e sigurisë për disa protestues të opozitës, të ndaluar nga policia, pikërisht për protestat para Bashkisë së Tiranës.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Veliaj shkoi jo pa qëllim një orë para, shkoi për të treguar se mund të paraqitej kur të donte dhe e prisnin me ceremoni. Por çfarë ndodhi?

Ata që Veliaj i quajti kolegë, Altini, kolegu i tij, apo kolegë të tjerë të SPAK-ut që ky u kishte dhënë zyra që të rrinin rehat, e lanë të rrinte te dera për t’i treguar çdo shqiptari se Erion Veliaj nuk mund të shkonte në SPAK kur donte ai, por do të shkonte sipas fletëthirrjes dhe sipas ligjit.

Pra, treguan se ai ishte thirrur dhe nuk shkoi vetë, se kur shkon vetë nuk të pret kush dhe qëndroi te dera gati një orë, pikërisht te dera e dytë, aty ku zhvillohet edhe kontrolli fizik ndaj vizitorëve derisa ora shkoi afërsisht 10:00 dhe Erion Veliaj më pas kaloi kontrollin dhe hyri në ambientet e SPAK-ut për t’u pyetur.

Erion Veliaj deklaroi më parë se do të çonte vetë dosje, por u pa pa dosje në duar. Ai deklaroi se do të shkonte me një qasje tjetër ndaj SPAK-ut, por e vërteta është krejt ndryshe.

Veliaj është thirrur për të folur, është shoqëruar dhe me avokatë nga pas, çka ngre dyshimet se nuk është thjesht dhe vetëm një person në dijeni që SPAK-u po e pyet, por janë të gjitha dyshimet se është një person që sot mund t’i komunikohen edhe akuzat penale./ CNA





Lajmet e fundit nga