web counter
LEXO PA REKLAMA!

SHKARKO APP

“Po përballesh me vështirësi për shkakun tim”/ Kryemadhi bën urimin e veçantë në ditëlindjen e nënës së saj

28 Prill 2024, 16:09, Politikë CNA
“Po përballesh me vështirësi për shkakun tim”/
Foto e publikuar

Deputetja Monika Kryemadhi ka uruar në mënyrën më të veçantë nënën e saj për ditëlindje.

Ajo ka publikuar një foto të vjetër të nënës së saj duke thënë se ka vuajtur shumë duke e sjellë në jetë.

Kryemadhi shkruan se edhe sot, nëna po përballet me vështirësi për shkakun e saj.

Ajo i ka kërkuar falje dhe i ka treguar dashurinë pa kufi që ka për të.

“Këtë foto Mami e ke shkrepur me 9 Prill 1974 dhe më pas ti ke vajtur në martenitet për të më sjellë në jetë mua. Me lindjen time kalove javë të tëra vështirësish në rrezik për jeten.

Edhe sot që unë jam 50 vjeç dhe ti ke ditëlindjen përsëri ti përballesh me vështirësi për shkakun tim, je unike mami jam krenare për ty sepse forca jote, toleranca jote gjithmonë ka qënë pranë meje edhe pse unë bëhesha e pavëmendshme ndaj asaj që ti më ofroje , si shumë fëmijë.

Ti sot ke ditëlindjen dhe unë mund shkruaj fjalë pa fund për ty por asnjëherë nuk mund të mbush boshllëkun që unë herë pas herë ta kam krijuar duke qënë egoiste për familjen time.

Të lutem pranoje urimin tim sot publik për ty duke të kërkuar falje për të gjitha vështirësitë, problemet, dhimbjet që të kam krijuar sepse kur bëhesh nënë kupton se çfarë institucioni përfaqëson Ajo. Të dua mami me ate çfarë përfaqëson në jeten time”, shkruan Kryemadhi./ CNA





Lajmet e fundit nga