Gazetari e paralajmëroi/ Veliaj e pranon: Shumë shpejt në SPAK

27 Prill 2024, 19:31, Politikë CNA

Kryebashkiaku Erion Veliaj ka konfirmuar lajmin e paralajmëruar nga gazetari Elvi Fundo se do të shkojë në SPAK.

Fundo paralajmëroi të enjten në emisionin e Ylli Rakipit Veliaj do të paraqitej në SPAK, pasi i kishin mbërritur dy fletëthirrje nga ky institucion.

Dhe ditën e sotme, Veliaj ka pranuar se do të shkojë në SPAK, ndonëse para disa ditësh e mohoi në një dalje të tij televizive.

Veliaj mohon të jetë thirrur në SPAK
8 Prill, 21:29
Ekskluzive/ Erion Veliaj thirret në SPAK
5 Prill, 14:12
Thirrja e dytë e Veliajt në SPAK
12 Prill, 19:51

Fillimisht ai u shmang me problemet shëndetësore dhe me agjendën e tij jashtë Shqipërisë, por tashmë ai e ka pranuar se do të shkojë në SPAK, duke thënë se do të japë më shumë informacion.

Ai deklaroi se do të paraqitet në Prokurorinë e Posaçme në ditët në vijim, pasi të bien dakord për orarin.

“Unë e kam marrë seriozisht këtë propozim dhe dua jo vetëm të vazhdojmë bashkëpunimin, por dua të jap më shumë informacione, edhe për të sqaruar çështjen e inceneratorëve, edhe për të shpjeguar pse disa media dhe disa gazetarë të influencuar nga politika ngatërrojnë letrën e Bankës Botërore me propozimin e pakërkuar. Kështu që, sa të pres që SPAK-u dhe institucionet e tjera, le të themi, me procedurat dhe vonesat e postës, ta bëjnë gjithë këtë komunikim, më mirë shkoj vetë, bëj një kronologji të gjithë këtyre situatave dhe mendoj se qasja proaktive na ndihmon të dyja palëve. Palën e bashkisë për aq sa ka, si një nga 5-6 klientët e inceneratorëve dhe për gjithë dijeninë që ka, edhe palës së SPAK-ut për të mos u vonuar me “erdhi posta, u vonua posta”, por për të pasur të gjithë informacionin e nevojshëm.

Ndaj, besoj, në ditët e ardhshme do të kemi një dakordësi për orarin, unë i kam bërë gati dosjet, gjithë kronologjinë, edhe të mënyrës sesi ne, si një nga 5 (fillimisht) dhe tani 6 bashkitë, jemi klientë të inceneratorit, por edhe ku është diferenca mes letrës së Bankës Botërore dhe asaj që është një ofertë e pa kërkuar, dhe sesi disa personazhe mundohen t’i ngatërrojnë të dyja, por është e pa ngatërrueshme, është shumë e qartë”, theksoj Veliaj ndër të tjera./ CNA