web counter
LEXO PA REKLAMA!

SHKARKO APP

App Store
Google Play

Berisha zbulon datën dhe orën/ Kur do të mbahet protesta e radhës

26 Prill 2024, 20:52, Politikë CNA
Berisha zbulon datën dhe orën/ Kur do të mbahet protesta e
Ish-kryeministri Sali Berisha

Ish-kryeministri Sali Berisha ka zbuluar datën dhe orën e protestës së radhës që do të mbahet para Bashkisë së Tiranës, kundër kryebashkiakut Erion Veliaj.

Berisha tha se protesta e radhës do të mbahet në 16:30 të së martës. Ai deklaroi se të martën do të firmoset fundi i Erion Veliajt, të cilin e quajti hajdut.

Kryetari i PD-së bëri thirrje për pjesëmarrje në protestën e radhës, për të pastruar Bashkinë e Tiranës nga Veliaj dhe drejtorët e tij.

"Miqtë e mi, beteja për bashkinë është beteja për zemrën dhe mendjen e kombit, dhe trurin e kombit që është kryeqyteti. Të gjitha regjimet kanë rënë kur ka rënë bashkia dhe kryeqyteti i tyre. Bashkia e Tiranës është në prag të rënies. Erion Veliaj është i pashpresë. Do marrë me vete Edi Ramën dhe të gjithë bandën e hajdutëve të tjerë.

Të dashur miq, cinizmi, poshtërsia, përçmimi dhe urrejtja e këtyre hajdutëve ndaj nesh nuk ka kufi. Nuk njeh kufi. Ndaj dhe zemërimi ynë nuk duhet të njohë kufi ndaj tyre. Zemërimi ynë nuk do të njohë kufi ndaj tyre.

E marta po vjen, në 16:30, e gjithë Tirana te bashkia. E gjithë Tirana te bashkia për të pastruar atë nga Erion Veliaj, nga ky hajdut që nuk ka parë Tirana ndonjëherë. Nga ky hajdut që ka zhdukur me Edi Ramën 130 milionë euro për djegësin e Tiranës dhe për djegësin nuk ekziston as nam dhe as nishan.

Të martën firmoset fundi i Erion Veliajt, hajdutit që futi modelin e vjedhjes 100 përqind. Monstra që vetëm në një familje vodhi 78 tendera. I pafytyri që u thotë qytetarëve se u kam gjelbëruar me 1 milion pemë, në një kohë kur ka vjedhur tarifën e blerjes së 1 milion fidanëve", deklaroi Berisha./ CNA





Lajmet e fundit nga