web counter
LEXO PA REKLAMA!

SHKARKO APP

App Store
Google Play

“Expo Albania”/ Rama publikon pamje të projektit fitues: Xhevahir i koleksionit të arkitektëve bashkëkohorë

26 Prill 2024, 09:35, Politikë CNA

“Expo Albania”/ Rama publikon pamje të projektit fitues:

Për "Expo Albania", fitues u shpall një ditë më parë projekti i “Steven Hall Arcitects”. Fituesi u përzgjodh nga juria ndërkombëtare, me kryetare Bendetta Tagliabuen.

Sot kryeministri Edi Rama shprehet se "Expo Albania" do të jetë një kompleks modern për organizimin e panaireve, ekspozitave të artit, kulturës, historisë, konferencave e takimeve të shumëllojshme, si edhe një tjetër xhevahir i koleksionit të arkitektëve bashkëkohorë në Tiranë. 

Ndërkohë kreu i qeverisë ka publikuar pamje nga ky projekt. 

"Mirëmëngjes dhe me projekt-idenë fituese të arkitektit të famshëm amerikan Steven Holl, në finalen e konkursit ndërkombëtar për EXPO ALBANIA, që do të jetë një kompleks modern për organizimin e panaireve, ekspozitave të artit, kulturës, historisë, konferencave e takimeve të shumëllojshme, si edhe një tjetër xhevahir i koleksionit të arkitektëve bashkohorë në Tiranë, për një ofertë të re për #Shqipërinë2030 , ju uroj një ditë të mbarë", shprehet kreu i qeverisë në një postim në "Facebook". 

“Expo Albania” është një qendër multifunksionale, e dedikuar kryesisht për panaire. Qendra do të ndërtohet në Farkë dhe do të zërë një sipërfaqe prej 6 hektarësh, të përdorur më parë si zonë parkimi për helikopterë.

Në ish-zonën ushtarake të Farkës do të ndërtohen hapësira të dedikuara për evenimente, panaire, koncerte, takime, si dhe hotele me 3 apo 4 yje.

Gjithashtu, Qendra do të përfshijë disa salla ekspozimi, konferencash dhe mbledhjeje, auditorë si dhe të gjitha hapësirat e nevojshme mbështetëse, teknike dhe të magazinimit./CNA





Lajmet e fundit nga