Protesta para Bashkisë/ Kryedemokrati: Erion Veliaj nuk na tremb dot ne

25 Prill 2024, 20:30, Politikë CNA

Ish-kryeministri Sali Berisha, mbrëmjen e sotme ka folur nga “Rruga e shpresës”, për protestën e ditës së nesërme para Bashkisë së Tiranës.

Berisha u ka bërë një thirrje të gjithë qytetarëve të Tiranës për të dalë masivisht në protestë, pasi vjedhja në Bashki duhet të marrë fund.

Berisha ka edhe një thirrje për Erion Veliajn, ku e paralajmëron që të largohet vetë, sepse qytetarët e revoltuar dhe të zemëruar do shkojnë ta nxjerrin nga zyra.

Lideri demokrat iu është drejtuar ambasadave në vend, duke u sugjeruar të mos keqpërdoren nga Erion Veliaj.

“Shqiptarët po poshtërohen në shtëpitë e tyre, po ndihen si një popull në një tokë të huaj, shqiptarët janë banorët sot të shtëpisë më të vjedhur në Europë dhe botë.

Imagjinoni një 5ast miqtë e mi, sikur sonte në shtëpinë tuaj të futej një hajdut, që të vidhte pa u përmbajtur 100% të 5do gjëje të shtëpisë, të zotëve të shtëpisë dhe imagjinoni sikur këtë hajdut ta zinit në flagrancë teksa ju vjedh.

Imagjinoni tani që kur të vijë policia në vend që të merret hajdutin, të burgosë hajdutin, ajo ju burgos ju dhe le hajdutin të vjedhë shtëpinë.

Imagjinoni policinë që të ju godasë ju dhe të ju thotë se nuk keni të drejtë të zemëroheni me hajdutin.

Imagjinoni që policia të merret me zemërimin e viktimës dhe jo me kriminelin që ju ka vjedhur shtëpinë.

Kjo ndodh miq, kjo ndodhi të premten e kaluar. Demokratët u goditën, u rrëmbyen në orët e para të mëngjesit vetëm e vetëm se kërkuan largimin e hajdutit nga shtëpia e tyre, sepse u dolën në mbrojtje 1 milionë qytetarëve të vjedhur të Tiranës.

1 milionë qytetarëve që paratë e fituara me djersë dhe lot, kanë shkuar për pallate e hotele luksoze me 5 yje të hajdutëve Erion Veliaj dhe banda e tij.
Nuk ka provokim më të rëndë se ky, atentat më të rrezikshëm ndaj vendit dhe stabilitetit të vendit se ky, që policia e cila prezupozohet të mbrojë qytetarin, të përdoret si truprojë e hajdutit që grabit qytetarin.

Erion Veliaj nuk i tremb dot demokratët dhe nuk i poshtëron dot qytetarët e Tiranës.
Aty na ke të premten.

Priti o hajdut qytetarët e zemëruar, të revoltuar. Me ty e kanë. Më shumë veta, më shumë mosbindje civile më shumë të zemëruar, të revoltuar, më të gatshëm për të shkallmuar të keqen nga Shqipëria, dhe për të shpëtuar Tiranën dhe Shqipërinë.

Nga protesta e fundit, disa ambasada kryesore dënuan zemërimin e opozitës. Njerëzisht dua t'u them dy fjalë: Mos u keqpërdorni nga Erion Veliaj.”/ CNA