web counter
LEXO PA REKLAMA!

SHKARKO APP

App Store
Google Play

E fundit!

x

Sulmet e Metës/ Rama: Mbështes pa kushte SPAK-un

24 Prill 2024, 17:40, Politikë CNA
Sulmet e Metës/ Rama: Mbështes pa kushte SPAK-un
Kryeministri Edi Rama

Kryeministri Edi Rama është rreshtuar krah SPAK-ut teksa ka folur për akuzat e ngritura nga kryetari i PL-së, Ilir Meta ndaj SPAK-ut dhe kreut të këtij institucioni, Altin Dumani.

Rama tha se nuk dëshiron të bëjë komente për personat që kanë çështje në SPAK, por theksoi se e mbështet pa kushte Prokurorinë e Posaçme.

Ai theksoi se SPAK po jep një kontribut të jashtëzakonshëm në shembjen e mitit legjendar të pandëshkueshmërisë që e ka sunduar Shqipërinë dhe shqiptarët.

“Unë nuk kam bërë asnjëherë një koment për askënd që ka një çështje të hapur me SPAK apo se ndjen se SPAK mund t’i hapë një çështje se pastaj do të krijonin kushtet se konfuzioni i krijuar nga të gjithë këta njerëz të cilët nuk e fshijnë të kaluarën e tyre, do të ishte shumë i madh dhe shumë i dëmshëm. Nuk mund të bëj asnjë koment. Di të them që shqiptarët e kanë treguar në të gjithë këto vite se kanë instikt të jashtëzakonshëm politik, e ka ky apo ai përgjegjësinë apo se këtij apo atij po i bie në qafë kot.

E kuptojnë shqiptarët nuk është nevoja ta diskutojmë. SPAK të vazhdojë drejt. Ka të gjithë mbështetjen time pa kushte dhe të PS-së dhe se çfarë rezervash munde të kem unë apo mund të kemi ne këto janë legjitime por jo një arsye që ne të bëjmë komente në publik sepse në fund të fundit SPAK është një bebe në raport me historinë.

Pushteti ekzekutiv, legjislativ në Shqipëri janë pushtete me një histori gjithsesi dhe Shqipëria ka pasur dhjetëra e dhjetëra qeveri dhe përsëri qeveria bën gabime ka të meta. Si mund të pretendojmë se që një bebe e sapoardhur në jetë të mos ketë të meta apo të mos bëjë gabimet e veta.

Por kjo s’ka lidhje me të vërtetën e madhe se SPAK po jep një kontribut të jashtëzakonshëm në shembjen e mitit legjendar të pandëshkueshmërisë që e ka sunduar Shqipërinë dhe shqiptarët”, theksoi kreu i qeverisë./ CNA





Lajmet e fundit nga