Ministri i Brendshëm, Besfort Lamallari, ka zbarkuar në Dr...
Dosja “5D”/ "Pavarësisht vjedhjeve, nuk konfiskohet asnjë qindarkë"
23 Prill 2024, 20:42, PolitikëCNA
Lideri demokrat, Sali Berisha u shpreh sonte se megjithëse Erion Veliaj dhe drejtorët e tij u kanë vjedhur qytetarëve të Tiranës, 38 milionë euro, përsëri nuk u është konfiskuar asnjë qindarkë, dhe asnjë kontratë që kanë nënshkruar ata nuk është shpallur e pavlefshme.
Berisha tha se gjithçka ka ndodhur është një krim i shëmtuar.
“Shkojmë pak më përtej miqtë e mi.
Konstatohet se dhjetëra kontrata ishin fiktive.
Konstatohet se me këto dhjetëra kontrata, Erion Veliaj, Redi Molla, Tivari e me radhë, vodhën 38 milionë euro.
Por a e dini ju o miq se nuk konfiskohet asnjë qindarkë, asnjë kontratë nuk shpallet e pavlefshme, nuk kërkohet që të kthehet e gjithë shuma e vjedhur qytetarëve.
Sepse atë e ndajnë me Dumanë, me Zamanë dhe Erion Veliajn.
Ky është krim i shëmtuar.
Vetëm ju jeni shpresa e fundit e këtij vendi.
O sot o kurrë, t’u tregojmë vendin.
Miqtë e mi, ka një kod, ka një pasuord, ka një username. Të gjitha këto u vodhën nga hajdutët, u grabitën, u plaçkitën nga hajdutët e 5D, për të vjedhur siç donin paratë publike.
Këta meritojnë dënimet më të rënda.
Asnjë akuzë e përfillshme për ta nuk ekziston.
Sepse Erion Veliaj ka vjedhur kompjuterin e MJAFT-it kur vodhi financat e tij, është ai autori që i nxiti të vjedhin pasuordin dhe username-n.
Vetëm zemërimi juaj është zgjidhja, është verdikti, është fitorja.”, u shpreh Berisha./ CNA
