E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

"Çam i mtit, grek i mtit”, degradon debati Manjani-Idrizi, përplasja në studio

23 Prill 2024, 10:56, Politikë CNA

"Çam i m*tit, grek i m*tit”, degradon debati Manjani-Idrizi,

Shpëtim Idrizi dhe Ylli Manjani

Ish-ministri i Drejtësisë, Ylli Manjani, është përplasur me kreun e PDIU-së, Shpëtim Idrizin, në studion e emisionit "Now me Erla Mëhillin".

Gjatë debatit, Idrizi tha se çështja çame është një çështje që u përket gjithë shqiptarëve dhe të gjithë duhet të bëjnë nga pak që kjo çështje të mos mbetet në “sirtar”.

Nga ana tjetër, Ylli Manjani tha se kur nuk kanë bërë gjë qeveritë për çështjen çame, nuk i takon atij që të flasë për këtë çështje.

"Kur nuk e ka çarë kokën qeveria, ose partitë politike, atëherë çfarë jam unë. Fjala çam paragjykohet, sepse siç thonë greku i m*tit ashtu thonë edhe çami i m*tit", u shpreh Manjani.

Debati:

Manjani: Merre shembullin tim tani, po të dal nesër unë të flas për çamët, do më thonë nesër çami i dreqit dhe gjithë të tjerat.

Idrizi: Edhe ti i mungon kësaj historie, por që nuk njihje Napoleon Zervën, më ke habitur. Nuk të kam parë ndonjëherë Yllo që të flasësh për çështjen çame apo çështjen e ligjit të luftës. Sepse qeveritë legene, të cilat janë të intimiduara dhe bëjnë politikën me Greqinë, kanë nevojë për presion, sidomos nga PDIU në parlament, nga mediat dhe opinioni publik. Sepse po ta kishim bërë tonën kauzën e çështjes çame në studiot televizive, atëherë do të bëhet e madhe.

Manjani: Kur nuk e ka çarë kokën qeveria, ose partitë politike, atëherë çfarë jam unë. Fjala çam paragjykohet, sepse siç thonë greku i m*tit ashtu thonë edhe çami i m*tit.

Idrizi: Këtë nuk ta pranoj, jo ty po askujt. Kur ne erdhëm në Shqipëri, ai që ti e shaje njëherë po që nuk e paske ditur, krimineli Enver Hoxha kishte marrëveshje me partizanët grekë, kundër partizanëve çamë dhe shqiptarëve çamë. Pasi na trajtoi si njerëz të dorës së dytë e të tretë, për efekte politike, kur shqiptarët e Çamërisë u sakrifikuan që Greqia të mos e merrte edhe Vorio-Epirin, pra Korçën dhe Gjirokastrën… Atë shizmën mos ma thuaj më as ti, asnjë. Hajde ta luftojmë racizmin bashkë. Ti mbron Fredi Belerin./CNA