web counter
LEXO PA REKLAMA!

SHKARKO APP

App Store
Google Play

Berisha kërkon gjyq publik për Veliajn/ “Të varet në shtyllën e turpit, ku janë paratë e inceneratorit”

21 Prill 2024, 21:04, Politikë CNA
Berisha kërkon gjyq publik për Veliajn/ “Të varet në
Kryetari i PD-së, Sali Berisha

Kryetari i PD-së, Sali Berisha kërkoi mbrëmjen e kësaj të diele gjyq publik për kryebashkiakun e Tiranës, Erion Veliaj, në sheshin “Skënderbej”.

Gjatë fjalës së tij në protestën e përnatshme, Berisha tha se Veliaj duhet të tregojë para shqiptarëve se ku janë 130 milionë eurot e inceneratorit të Tiranës.

Ai deklaroi se kryebashkiaku duhet të varet në shtyllën e turpit të kryeqytetit dhe të përçmohet nga çdo qytetar i ndershëm i Tiranës.

“Të ju pyes unë ju, të pyes çdo qytetar, a nuk meriton ky njeri të varet në shtyllën e turpit të kryeqytetit, në shtyllën e turpit të historisë.

A nuk meriton ky njeri të përçmohet nga çdo qytetar i ndershëm i Tiranës?

A nuk meriton ky njeri të kapet për zverku, të nxirret nga zyra për të mos u futur më kurrë aty?

A nuk meriton ky njeri të kapet me lecka, të çohet në 313 atje ku e ka vendin me verdiktin e popullit?

A nuk meriton ky njeri një gjyq publik, në sheshin Skënderbej para qytetarëve të Tiranës, ku tu thotë qytetarëve se sa dhjetëra e dhjetëra milionë euro vodhi për 1 milionë fidanet që gjoja ka mbjellë, por që ka vjedhur së paku 990 mijë prej tyre?

A nuk meriton ky njeri një gjyq publik para jush në sheshin Skënderbej dhe para shqiptarëve të tregojë se ku janë paratë, ku janë 130 mln euro të djegësit të Tiranës që nuk ekziston?

A nuk meriton ky njeri të varet në shtyllën e turpit të historisë dhe të tregojë, të tregojë se si ka mundësi të ndërtojë rrugë, shkolla me çmime 10-herë më të larta se në Europë?

A nuk duhet të jemi ne qytetarë europianë, të kërkojmë standarde europiane në bashkinë tone?

Erion Veliaj është krimineli lakuriq që endet rrugëve të Tiranës, duhet ta ndaloni kudo që ta gjeni”, theksoi Berisha./ CNA





Lajmet e fundit nga