web counter
LEXO PA REKLAMA!

SHKARKO APP

App Store
Google Play

E fundit!

x

“Fluturim” mbi kokat e policëve, flakë e tym/ Qytetarët i kallin datën Veliajt, protesta përmes fotove

26 Prill 2024, 14:47, Politikë CNA
“Fluturim” mbi kokat e policëve, flakë e tym/
Protesta

Opozita, Aleanca për Mbrojtjen e Teatrit dhe qytetarët zhvilluan ditën e sotme protestën e katërt kundër Erion Veliajt dhe drejtorëve të tij hajdutë që ndodhen në pranga dhe zyrtarë të tjerë që janë nën hetim për skandalin me aferën "5D".

Protestuesit kanë treguar zemërimin e tyre ndaj Veliajt dhe korrupsionit disa dhjetëra miliona eurosh të bërë nga drejtorët e tij.

Ata kanë kërkuar që Veliaj të dorëhiqet dhe të merret si i pandehur nga drejtësia.

Drejt institucionit të bashkisë u hodhën flakadanë, tymuese dhe mollë.

Po ashtu u ça kordoni i policisë që rrethonte institucionin e bashkisë.

Në këtë protestë ashtu si dhe në ato paraardhëset u pa që kishte një numër të shtuar të efektivëve të policisë që ishin vënë në shërbim të Veliajt.

Protestuesit u kanë bërë thirrje që t'i bashkohen protestës, dhe të mos shkojnë në shtëpitë e tyre për t’i arrestuar pasi tubimi të përfundonte.

Një tjetër pikë tensioni në protestë ishte fluturimi mbi kokat e policëve i Tedi Blushit, sekretarit të Përgjithshëm të PL-së, i cili me çdo kusht kërkonte të hynte në institucionin e bashkisë.

Protestat nuk do të ndalen. E radhës do të mbahet të premten, siç u paralajmërua nga organizatorët e protestës./ CNA





Lajmet e fundit nga