web counter
LEXO PA REKLAMA!

SHKARKO APP

App Store
Google Play

E fundit!

x

Rama: Plehrat e shitura në Itali si zbulime, të paketuara në Tiranë

26 Prill 2024, 13:19, Politikë CNA

Rama: Plehrat e shitura në Itali si zbulime, të paketuara në

Kryeministri Edi Rama në një reagim të gjatë në rrjetin social "X" ka refuzuar kërkesën e PD-së për interpelancë urgjente sa u përket investigimeve të "RAI 3", si dhe akzuave drejt vëllait të tij Olsi Rama dhe Sekretarit të Përgjithshëm të Këshillit të Ministrave Ëngjëll Agaçi.

Rama shkruan se plehrat e shitura në Itali si zbulime investigative janë të paketuara nga Tirana.

Kreu i qeverisë është shprehur se nuk e ka ndërmend të mbyllë gojën deri kur e vërteta shqiptare të thuhet e plotë në italisht, pa asnjë censurë.

“Çfarë t’u thuash këtyre që i gatuajnë shpifjet në shtëpi të tyre, pastaj i hedhin nga dritarja si akuza, pastaj u fryjnë si era plehrave që shpërndaheshin lart e poshtë rrugë më rrugë kur këta, mos o Zot, qeverisnin vendin, pastaj vënë kujën pse u ndotën rrugët e bëra pis prej tyre e i thonë miletit çohu se u qelb kjo punë, pastaj i fusin në thasë plehrat më të bukura e ia hedhin në kurriz çdo të huaji që u del përpara dhe kur ndonjë i huaj (si ata të 'RAI3'-shit) që ka mbetur pa e marrë vesh çfarë malli janë këta vulëhumbur, i nxjerr në rrugë andej si thagma të ububushme, këta i riimportojnë në Shqipëri!

E pasi i rinxjerrin rrugëve si prova të ardhura nga jashtë, të thërrasin edhe me urgjencë në parlament, se obobo qenkan shqetësuar në Senatin italian pse unë nuk kam mbyllur gojën, po kam guxuar të ngre zërin andej matanë për t’u vënë emrin që kanë plehrave të shitura në Itali si zbulime investigative, ndërkohë që mua jo që as nuk më shqetëson fare se kush shqetësohet nga ata që kujtojnë se në emër të lirisë së medias në vendin e tyre, Shqipëria e shqiptarët mund të denigrohen pa bërë as gëk as mëk me plehra të nxjerra nga kuzhina e shtëpisë së xhahilëve e çingijeve të vendit tonë, po më vlon gjaku nga revolta për cënimin e imazhit të Shqipërisë e të dinjitetit të shqiptarëve!

Prandaj as që nuk më shkon ndërmend të mbyll gojën deri kur e vërteta shqiptare të thuhet e plotë në italisht, pa asnjë censurë, mu aty ku publikut italian iu thanë ato gënjeshtra e shpifje të paketuara në Tiranë”, shkruan Rama./ CNA





Lajmet e fundit nga