web counter
LEXO PA REKLAMA!

SHKARKO APP

App Store
Google Play

Parodia e Ilir Metës për luftën kundër nepotizmit

26 Prill 2024, 15:51, Politikë Elvi FUNDO
Parodia e Ilir Metës për luftën kundër nepotizmit
Dy kandidatët për President të Partisë së Lirisë, Ilir Metaj dhe burri i kushërirës së tij të parë, Faik Basha

Në prag të Konventës së Partisë së Lirisë:

PARODIA E ILIR METËS PËR LUFTËN KUNDËR NEPOTIZMIT

- Kandidon përballë vetes burrin e kushërirës së tij të parë!

Një fushatë e tërë e ngritur mbi sloganin “LUFTË NEPOTIZMIT”, i është shfryrë si flluskë sapuni ish-Presidentit Meta, i cili do të ketë nesër përballë në garën që ka shpallur dhe organizuar vetë për t’u zgjedhur Presidenti i Partisë së Lirisë, burrin e kushërirës së vet të parë.

Nuk është fjala për Petrit Sinën, burrin e motrës së Dor Duçkës së McGonigal-it, i cili është ndërkaq edhe burri i vajzës së tezes së Ilir Metës.

Parodia e Ilir Metës për luftën kundër nepotizmit
Ilir Meta dhe Dorian Duçka

Fjala është për Faik Bashën, ish-policin që kandidon si rival përballë Metës për postin e Presidentit të Partisë së Lirisë, i cili është ndërkaq edhe burri i vajzës së hallës së Ilir Metës.

Siç duket fare qartë, refreni i Ilir Metës për luftën kundër nepotizmit nuk është asgjë tjetër, por vetëm një parodi e radhës e ndërtuar mbi një farsë hipokrizie dhe talljeje me shqiptarët, i cili synon të eliminojë vetëm “klanin” e zonjës Kryemadhi, por jo kushërinjtë dhe burrat e kushërirave të vetë Metës.

Nesër në Konventë do të kemi farsën e radhës, ku me siguri Presidenti Meta do të flasë kundër nepotizmit, do të sulmojë edhe SPAK-un e veçanërisht Dumanin, por jo Lali Erin dhe as malet e korrupsionit të Bashkisë së Tiranës e qeverisë, të cilat po i lë mënjanë, duke u shfaqur ai në skenë si protagonizmi i një klounade që ia ka dalë të tërheqë vëmendjen e publikut.





Lajmet e fundit nga