web counter
LEXO PA REKLAMA!

SHKARKO APP

App Store
Google Play

E fundit!

x

Vetting-u i Irfanit, si vetting te 313-ta

27 Prill 2024, 09:28, Politikë CNA
Vetting-u i Irfanit, si vetting te 313-ta
Irfan Hysenbelliu

Klienti i qeverisë, Irfan Hysenbelliu, ka filluar t’u bëjë vetting, sa politikanëve, sa biznesmenëve, sa drejtorëve, sa ministrave, shpërthen informacione, skandale, pasi ka disa halle.

Halli i parë është se ka ngelur me gisht në gojë dhe i mbytur në borxhe. Halli i dytë është se duhet t’i shërbejë Erion Veliajt dhe ky i fundit, po goditet nga SPAK-u, dhe i ka dalë për zot Irfani.

Irfani, i cili kur bën vetting, duket se e bën 313-ta, aty ku çohen në fillim dhe burgosen hajdutët e politikës.

Pse mund ta quajmë të tillë?

Sepse, Irfan Hysenbelliu është një klient, servil i korrupsionit të pushtetit. Ka marrë para nga inceneratorët, u pagua për të bërë mbrojtjen mediatike të një bande hajdutësh që u ka kushtuar shqiptarëve 130 milionë euro. (lexo këtu)

Irfan Hysenbelliu është klientelë e Erion Veliajt (vëllai i ri i gjetur). Irfani ka pasur shumë vëllezër në politikë, zakonisht ose çmenden, ose lajthisin, ose përfundojnë burgjeve.

Irfan Hysenbelliu është njeriu që tentoi të rrëmbente 20 mijë m2 truall në Korçë. Irfan Hysenbelliu është njeriu që ka marrë dhe mban konviktin e gjimnazistëve të Gjuhëve të Huaja, për aktivitetin e tij privat, që ushtron aktivitetin e tij në godinat publike tek Ish-Uzina e Traktorëve, njeriu që ndërton pa leje. Ky është Irfan Hysenbelliu, në pak fjalë e vepra, se ka shumë e më shumë. Njeriu që nuk paguan taksat e detyrimet në shtet, i mbytur në borxhe në banka, bën moral dhe vetting.

Vetting-u i Irfanit, si vetting te 313-ta
Irfan Hysenbelliu

Që të bëjë vetting Irfan Hysenbelliu, është si të bëjë vetting, 313-ta. Asnjë ndryshim më shumë.

Qartazi e përdor ekranin e tij për interesa krejtësisht klienteliste, për interesa korruptive, pasi kush nuk i nënshtrohet Irfanit, sulmohet në mënyrë kriminale.

Kështu ka ndodhur me gjyqtarë, me kryetarë bashkish, me zyrtarë të lartë të ministrive, dhe për më tepër Irfani shërben si një krah mediatik, në shërbim të kryebashkiakut në detyrë, Erion Veliaj, dhe media e tij është “arma” e lali Erit, kundër armiqve të partisë. Dhe, në lidhje ekselence, Veliaj-Hysenbelliu që tregon se si mund të bëjë vetting, një vëllazëri ku përreth ka një organizatë hajdutësh nën pranga./CNA 

 





Lajmet e fundit nga