Irfan Hysenbelliu fillon shitjen e pronave, “i mbytur” në kredi dhe borxhe ndaj shtetit

29 Nëntor 2023, 15:30, Denoncim CNA

Irfan Hysenbelliu fillon shitjen e pronave, “i mbytur” në kredi

Biznesmeni Irfan Hysenbelliu

Biznesmeni Irfan Hysenbelliu, i cili njihet si manjat mediash dhe veten e quan Berlusconi shqiptar, ka filluar shitjen e pronave të tij, pas problemeve të mëdha që ka pasur me kreditë në banka dhe borxhet, pra detyrimet e pashlyera në institucionet shtetërore.

Irfan Hysenbelliu, i mbytur në borxhe/ Lë peng mediat e tij
27 Maj, 10:58

Sipas të dhënave të siguruara nga CNA TV, Irfan Hysenbelliu ka shitur së fundi një objekt, pronë e tij në qytetin e Pogradecit, ish-turizmin e vjetër, i cili i është kaluar në pronësi shtetasit A.L., pronë kjo, të cilën Irfan Hysenbelliu e ka pasur të regjistruar në emrin e djalit të tij, Fatmir Hysenbelliu.

Fatmir Hysenbelliu dhe Irfan Hysenbelliu

Irfan Hysenbelliu është pronar i “Panorama Group” dhe “Focus Group”, grupe mediatike që përfshijnë “Panoramën” apo edhe “News 24” dhe “Balkan Web”.

Prej disa kohësh përballet me probleme të mëdha financiare.

Në momentet kur qeveria shqiptare po përgatitej për të bërë një amnisti të madhe fiskale, shumë subjekte u njoftuan për të shlyer detyrimet, përfshirë edhe shtetasin Irfan Hysenbelliu.

Irfan Hysenbelliu nuk paguan taksat/ Kërkon t’i shmangë shtetit miliona euro
12 Mars, 14:54

Ky i fundit reagoi me ashpërsi ndaj institucioneve shtetërore, pasi ndoshta ishte mësuar të mos paguante tatime, sigurime e detyrimet doganore për shkak të pushtetit mediatik që ai kishte.

Pas kontrolleve, akteve ligjore të konstatuara, zbardhjes së tyre, shtetasi Irfan Hysenbelliu rezultoi se kishte disa miliona euro detyrime të pashlyera ndaj shtetit dhe nga ana tjetër u zbulua se bizneset e tij kishin filluar të kishin probleme për shkak të kredive të shumta bankare.

8.8 mln euro detyrime në shtet me tre kompani/ Irfan Hysenbelliu, biznesmeni-piramidë?
4 Mars, 10:40

Gjithashtu, Irfan Hysenbelliu u përball edhe me shembjen e një hoteli të ndërtuar pa leje, leja e të cilit nuk ishte zbardhur dhe më pas edhe ajo provizorja ishte anuluar për shkak se nuk ishin paguar detyrimet dhe kishte pasur shkelje.

"Prestige Resort" i Irfan Hysenbelliut

CNA TV ka mësuar se zoti Hysenbelliu ndodhet në një problematikë të fortë financiare që e ka detyruar të fillojë të shesë pronat e tij, një pjesë e të cilave vështirë për të kryer transaksione, pasi janë në pronësi të bankave.

Nga ana tjetër mësohet se po kërkon gjithashtu të shesë edhe disa nga brandet dhe bizneset e tjera që ai administron./ CNA TV