Irfan Hysenbelliu harron shantazhet e vjetra, fshin lajmin për Genti Gazhelin

25 Mars 2024, 09:33, Aktualitet CNA

Irfan Hysenbelliu harron shantazhet e vjetra, fshin lajmin për Genti

Genti Gazheli dhe Irfan Hysenbelliu

Irfan Hysenbelliu, kapteri-biznesmen, i cili nuk paguan taksat dhe shpeshherë sulmon institucionet për interesat e tij, mesa duket ka ndërruar "pllakë" me drejtorin aktual të doganave, Genti Gazhelin.

Dje, ish-kryeministri Sali Berisha publikoi një status, ku e akuzonte Gazhelin si sekser me pagesë të Edi Ramës për emërime “Konsull Nderi”. Madje Berisha publikoi edhe një denoncim të biznesmenit turk Emre Telyar, i cili ka ngritur padi ndaj Genti Gazhelit, sepse i ka marrë para për ta emëruar “Konsull Nderi”.

Ky lajm sigurisht që bëri bujë në media dhe u raportua gjerësisht. Madje edhe media e Irfan Hysenbelliut, "Ballkan Web", e raportoi. Lajmi ishte me titull: "Gazheli sekser me pagesë i Ramës, emërime 'Konsulli Nderi'.

Por, pak orë më vonë, shkrimi u fshi nga faqja e "Ballkan Web".

Lajmi i fshirë në faqen e Ballkan Web

Mesa duket urdhri për fshirjen e lajmit është dhënë nga Hysenbelliu, i cili po i "lëpihet" kreut të Doganave dhe kjo padyshim për interesa personale.

Pra, lajmi u fshi pasi Hysenbelliu s'ka mision gazetarinë, por lëpirjen për interesa klienteliste ndaj pushtetit. Hysenbelliu i puth institucionet apo drejtuesit kur i shërbejnë dhe i sulmon kur nuk i hapin rrugë për borxhet dhe abuzimet e tij.

Më herët ai ka pasur një raport krejt ndryshe me kreun e doganave.

Në verën e vitit 2022, mediat e kapterit sulmuan Drejtorin e Përgjithshëm të Doganave sepse ky i fundit i vuri gjobë ligjore me vlerë plot 260 mijë euro.

Titujt ishin nga më të ndryshmit si: "Gent Gaxheli emërime neopolitike te doganat", "Investigimi, superskandali me Drejtorin e Doganave, Genti Gazheli promovon në poste drejtuese zyrtarët që gjykohen në Greqi për kontrabandë".

Irfan Hysenbelliu harron shantazhet e vjetra, fshin lajmin për Genti

Gjoba e vënë nga Gazheli bëri që Hysenbelliu të shantazhonte drejtorin dhe të sulmonte një nga institucionet më të rëndësishme në vend.

Irfan Hysenbelliu harron shantazhet e vjetra, fshin lajmin për Genti

Po ashtu, ai është nga ata drejtues mediash që me dhjetëra raste ka sulmuar ministra, zyrtarë të tjerë, thjesht dhe vetëm për pazaret e tij!

Sulmet ai i nis pas kontrolleve që institucionet shtetërore bëjnë në bizneset e tij, ku shkeljet apo parregullsitë janë jo të pakta.

Jo pak herë CNA.al ka zbardhur fakte dhe ka publikuar dokumente se si mediat që ai drejton, kanë marrë “thelën” e tyre nga koncesioni i inceneratorëve./CNA