web counter
LEXO PA REKLAMA!

SHKARKO APP

App Store
Google Play

E fundit!

x

I dhuroi tokën shtetërore burrit të Xhaçkës/ Jorgo Goro del sot para GJKKO-së

25 Mars 2024, 09:04, Aktualitet CNA
I dhuroi tokën shtetërore burrit të Xhaçkës/ Jorgo
Jorgo Goro

Jorgo Goro, i arrestuar, pasi i dhuroi tokën shtetërore burrit të ish-ministres Olta Xhaçka, do të dalë sot para GJKKO-së.

Jorgo Goro, pa asnjë verifikim konkret, ka përcjellë dokumente të falsifikuara dhe tokën shtetërore ia dha bashkëshortit të ish-ministres Olta Xhaçka.

Gjithashtu, Goro ka realizuar me veprime konkrete zhvendosjen faktike në terren, të tokës, duke ia mbivendosur atë një pasurie tjetër në pronësi të shtetit.

Ai ka tejkaluar të gjitha kompetencat që ligji i njeh, duke u shprehur për ekzistencën e një mbivendosjeje pasurish të paluajtshme në terren dhe më pas duke konfirmuar një plan vendosjeje, i cili rezulton të ketë shërbyer jo vetëm për transaksionet e mëpasshme ndërmjet subjekteve të ndryshme, por edhe për zhvillimin e pronës, përfshirë këtu pajisjen me leje ndërtimi për një kompleks turistik në emër të një shoqërie tregtare, i cili do të ndërtohet mbi të dyja sipërfaqet në fjalë, të cilat janë kufitare (10.592 m2).

Këto veprime kryebashkiaku i ka kryer në bashkëpunim me zyrtarin nën hetim, J.B.

Tjetërsimi i pronës në Dhërmi është shoqëruar me përftim material të padrejtë për shtetasin nën hetim, S. M.

Ka qenë ky i fundit personi që ka përdorur më shumë se një herë, pranë disa institucioneve, por edhe organeve proceduese, dokumente dhe formularë të falsifikuar, që tokën ta regjistronte fillimisht në emër të trashëgimlënësit me iniciale F. M.

Më pas, ai ka kryer transaksione, të cilat kanë konkluduar në regjistrimin e pronës në emër të shoqërisë private të Artan Gaçit./ CNA

 





Lajmet e fundit nga