“Goro, ‘kurban’ i Xhaçkës”/ Berisha: Rama, aksioner në ndërtimin e Artan Gaçit

24 Mars 2024, 19:37, Politikë CNA

“Goro, ‘kurban’ i Xhaçkës”/ Berisha: Rama,

Kryetari i Partisë Demokratike, Sali Berisha

Kryetari i Partisë Demokratike, Sali Berisha bëri deklarata të forta mbrëmjen e sotme, teksa foli për protestuesit në lidhje me arrestimin e kryebashkiakut në detyrë të Himarës, Joirgo Goros.

Berisha e cilësoi Goron si “kurbanin” e Olta Xhaçkës, për shkak se arrestimi i tij ka të bëjë me tjetërsimin e pronave të bashkëshortit të ish-ministres, Artan Gaçi.

Ai hodhi akuza ndaj kryeministrit Edi Rama se ka kryer masakra në tokat e himariotëve, ndërsa ngriti pretendimet se kreu i qeverisë është aksioner në ndërtimin e burrit të Olta Xhaçkës.

Jorgo Goro u arrestua për tokën ku Artan Gaçi do të ndërtojë si investitor strategjik
24 Mars, 15:06

“Sot Edi Rama urdhëroi burgosjen e Jorgo Goros. Ju them unë, nuk ka rilindas që nuk vjedh, por Jorgo Goro është kurbani i Olta Xhaçkës, sepse Goro nuk bëri gjë tjetër veç se regjistroi tokën e falsifikuar të investitorit strategjik burrë i Olta Xhaçkës. Edi Rama, Oltën e mban në parlament. Natyrisht është aksioner në investimin strategjik të burrit të saj dhe asaj. Dhe për këtë na bind duke arrestuar Goron se ka regjistruar pronat e saj.

Të dashur miq!

Edi Rama përdor drejtësinë tërësisht në interesat e tij personale, shkatërron marrëdhëniet me një vend fqinj në të cilin jetojnë rreth 1 mln shqiptarë, të integruar që kanë ndërtuar jetën dhe ëndrrën e tyre. Tani për shkak të qëndrimeve të tij ç’njerëzore, antikushtetuese, antieuropiane ngre një valë të pafavorshme për emigrantët tanë.

SPAK, reagim zyrtar për Jorgo Goron/ Si i dhuroi tokën shtetërore burrit të Xhaçkës
23 Mars, 19:22

Miqtë e mi!

Edhe njëherë ju theksoj, çështja Beleri është para së gjithash çështje e shqiptarëve, sepse këtu nuk respektohen parimet universale të të drejtave të njeriut. Sepse këtu respektohet prezumimi i pafajësisë. Sepse këtu respektohet manipulimi i fakteve, sepse këtu dënohet vetëm e vetëm për të mbuluar krimet monstruoze dhe mafioze, që Edi Rama dhe klani i tij ka kryer në tokat e himariotëve, duke shitur brigjet e detit”, theksoi ish-kryeministri./ CNA