web counter
LEXO PA REKLAMA!

SHKARKO APP

App Store
Google Play

E fundit!

x

"Takimet i bëmë në Kuvend"/ Bardhi flet për dakordësinë: Na shkruajti Nikolla

23 Mars 2024, 17:41, Politikë CNA
"Takimet i bëmë në Kuvend"/ Bardhi flet për
Nënkryetari i PD-së, Gazment Bardhi

Nënkryetari i PD-së, Gazment Bardhi foli sërish për dakordësinë e arritur me mazhorancën për komisionet hetimore dhe rikthimin e Parlamentit në normalitet.

Bardhi tha se është i kënaqur që opozita është funksionale dhe kthimi në normalitet është një lajm imirë për ta dhe shqiptarët.

“Kemi kaluar momente të vështira jo vetëm këto 5 muaj. Kemi më shumë se 2 vite në momente të vështira. Jam i kënaqur që pas bashkimit të grupit arritëm të bashkojmë pjesën më të madhe të PD dhe e bëmë funksionale duke bërë kështu funksional opozitën. Kemi bërë një betejë 5 mujore në kuvend për të drejtat tona kushtetuese.
Kthimi në normalitet është lajm i mirë për shqiptarët pasi opozita ktheu në vend të drejtat e saj dhe tani detyra jonë është të bëjmë atë për të cilën na kanë zgjedhur shqiptarët”, u shpreh ai.

Bardhi tregoi se ishte kryeparlamentarja Lindita Nikolla që bëri një kërkesë informale për dialog, ndërsa theksoi se për këtë u ndërmjetësuan ndërkombëtarë.

Nënkryetari i PD-së theksoi se takimet u zhvilluan në institucionet e Parlamentit.

“I gjithë dialogu i përqendruar tek normalizimi i jetës parlamentare. Ndaj dialogu është zhvilluar në institucionet e Parlamentit. Partnerët ndërkombëtarë kanë nxitur palët për dialog politik. Kam shprehur që ditën e parë gatishmërinë për dialog. Nisi me kërkesën informale të Nikollës për krerët e 4 grupeve parlamentare”, nënvizoi Bardhi./ CNA





Lajmet e fundit nga