web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Jorgo Goros/ Dule: Lëvizje marionetash nga dirigjenti Rama

24 Mars 2024, 12:59, Aktualitet CNA

Arrestimi i Jorgo Goros/ Dule: Lëvizje marionetash nga dirigjenti Rama

Kreu i PBDNJ, Vangjel Dule ka folur në lidhje me arrestimin e Jorgo Goros, kryebashkiakut në detyrë të Himarës.

Dule në një intervistë është shprehur se këto janë lëvizje marionetash që përpiqet të ngrejë Rama në Himarë.

Ai shton se të gjitha lëvizjet janë të orkestruara nga dirigjenti Rama.

“Janë lëvizjet e kryeministrit Rama, lëvizje të cilat nuk mund të sugjestionojnë askënd sepse të gjithë janë të vetëdijshëm që janë lëvizje marionetash në skenën e teatrit të hijeve që përpiqet të ngrejë Edi Rama në Himarë.  Thelbi i çështjes është një dhe i vetëm në Repubilkën e Shqipërisë do respektohet kushtetuta, ligji, konventat evropiane në të cilat vendi është palë a do vëhen pjesë e respektimit të përditshëm të të drejtave të qytetarëve të këtij vendi? Është një njollë e pashlyeshme për vendin shtetin e së drejtës, atë shtet që mund të pretendojmë se kemi dhe për demokracinë, mbajtja e zotit Beleri prej 11 muajsh i paraburgosur pa asnjë fakt, argument dhe provë. 

Për rrjedhojë çështja është shumë e thjeshtë duhet që sa më parë Beleri të kryejë betimin sepse nuk ka asnjë pengesë ligjore për një zhvillim të tillë, të marë përsipër detyrën dhe në të njëjtën kohë Himara ka nevojë për një transparencë të gjithanshme në lidhje me çështjen e pronave dhe kryesisht me ata që kanë përfituar nga ligji i investimeve strategjike.  Mbi çdo dhe në çdo çështje që është denoncuar është Edi Rama dhe firma e tij që ka dhënë të gjitha këto të drejta abuzive për rrjedhojë kjo transparencë duhet t’i shkojë të gjitha çështjeve deri në fund.

Të gjitha lëvizjet janë të orkestruara nga dirigjenti i vetëm në Himarë Edi Rama.  Sigurisht që ka shumë viktima në radhët e PS të qeverisë por edhe të pushtetit vendor të cilët janë zgjedhur me PS që vervërisht zbatojnë urdhrat e Ramës dhe janë ata që mbajnë barrën e përgjegjësisë ligjore sepse ne kemi një kryeministër që është tërësisht i papërgjegjshëm" ka deklaruar Dule.

I pyetur nëse arrestimi i Goros po bëhet për të qetësuar Brukselin dhe Athinën, Dule është shprehur se nuk mund të qetësohet askush pa i shkuar të drejtës deri në fund.

“Nuk mund të qetësohet askush pa i shkuar të drejtës deri në fund.  Është tërësisht në drejtimin e gabuar z.Rama nëse mendon se mund të krijojë iluzione dhe të fshihet pas gishtit të tij në lidhje me përgjgjësitë që janë tërësisht mbi të në lidhje me çështjet e pronave në zonët e bregut të Jonit”, tha Dule./ CNA





Lajmet e fundit nga