web counter
LEXO PA REKLAMA!

SHKARKO APP

App Store
Google Play

E fundit!

x

Përse Meta gjen gjithmonë Stalinin dhe e sjell si shembull në fjalimet e tij?!

27 Prill 2024, 17:09, Politikë CNA
Përse Meta gjen gjithmonë Stalinin dhe e sjell si shembull në
Ilir Meta

Ilir Meta nuk e la pa treguar sërish edhe para delegatëve të Konventës së tij historinë e gjeneralëve të Stalinit, të cilët gjatë Luftës së Dytë Botërore i propozuan diktatorit të tyre ta këmbenin gjeneralin e Hitlerit të zënë rob nga sovjetikët, me Vasilin, djalin e madh të Stalinit të zënë rob nga gjermanët.

Natyrisht që Stalini nuk e pranoi këtë “pazar”, sepse për të nuk kishte vlerë jeta e të birit para fitores së luftës. Dhe Meta insiston ta theksojë këtë mesazh sa herë gjen një foltore apo mikrofon për të folur, duke zgjedhur si referencë modelin më gjakatar të një diktatori.

Përse Meta gjen gjithmonë Stalinin dhe e sjell si shembull në

Afërmendsh që Ilir Meta nuk e bën nga naiviteti këtë zgjedhje. Paranoja është veçori e njerëzve të frustruar e me karakter të deformuar. Ndaj ata gjejnë ngushëllim duke iu referuar modeleve të ngjashëm.

Por “gjetja” e Stalinit ka në fokus tjetër gjë. I kompleksuar nga ndjenja e tradhëtisë dhe nën peshën e vetësugjestionit se Metën të gjithë e kanë tradhëtuar, subkoshienca e tij e shtyn të rrëmojë në modelet e luftës kundër tradhëtarëve. Dhe kush tjetër më mirë nga Stalini mund t’ia përmbushë Metës këtë boshllëk?

Pra, nuk është meraku për pazarin për fatin e Vasilit (të Stalinit dhe jo të Metës!) që i prpozuan gjeneralet e luftës komandantit të tyre, por tek Meta që ndjehet i tradhëtuar prej bashkëpunëtorëve e madje, edhe prej vetë gruas së tij.

Përse Meta gjen gjithmonë Stalinin dhe e sjell si shembull në
Ilir Meta

Ndaj Stalini është mesazh edhe për vetë zonjën Kryemadhi nëse sjellim në vëmendje se çfarë i bëri Stalini Nadjezhdës, gruas së tij e nënës së Vasilit.

Historia e jetës bashkëshortore të Stalinit me Nadjezhdën ka qenë një histori e trazuar e me plot probleme. A nuk na kanë dëshmuar edhe vetë Meta dhe Kryemadhi se edhe historia bashkëshortore e tyre ka qene e vazhdon të jetë plot trazime e trauma?…

Nadjezhda ishte në dijeni të tradhtive të së shoqit, dhe ishte shumë xheloze. Me sa duket, ajo e donte vërtet Stalinin. Nga ana tjetër, ky e trajtonte në mënyrën më fyese të mundshme, dhe Nadjezha e toleronte gjithçka. Por më në fund iu sos durimi. Sipas disa dëshmitarëve okularë, disa ditë para vdekjes, Ajlilueva kishte marrë një vendim me rëndësi:

Do të ndahej nga Stalini dhe do të shkonte me fëmijët të banonte te prindërit e saj.

A nuk tha edhe zonja Kryemadhi sot se nuk do të bëj më luftë, por do t’iu dedikohem fëmijëve?

Me sa duket Stalini po e bën efektin. Jo më kot Meta prej kohësh i referohet atij./ CNA





Lajmet e fundit nga