Afera me dherat/ Gazetari: Roli i Veliajt në skandalin e inceneratorëve

25 Prill 2024, 23:26, Aktualitet CNA

Afera me dherat/ Gazetari: Roli i Veliajt në skandalin e

Gazetari Elvi Fundo

Gazetari Elvi Fundo shpjegoi mbrëmjen e sotme, aferën me dherat dhe skandalin që përfshin Bashkinë e Tiranës, me marrëveshjen me kompaninë e inceneratorit të Tiranës dhe rolin e kryebashkiakut Erion Veliaj.

Fundo tha se Veliaj do të japë llogari në SPAK për aferën, pasi theksoi se i kanë shkuar dy fletëthirrje.

Gazetari u shpreh se kompania koncesionare duhet të blinte dhera, për të mbuluar plehrat që kapsulohen në Sharrë.

Ai deklaroi se këtu ka hyrë Bashkia e Tiranës, e cila ka bërë një marrëveshje dhe ka bashkëpunuar me kompaninë koncesionare, në kurriz të ndërtuesve.

Bashkia ka vendosur një tarifë 4-8 euro për dherat, duke detyruar ndërtuesit që t’i dërgojë plehrat te kompania e inceneratorit, e në këtë mënyrë kompania koncesionare nuk blen dhera për kapsulimin, por ato ia dërgojnë ndërtuesit, të cilët i faturon.

Sipas Fundos, qeveria nuk ka dijeni për këtë tarifë, ndërsa kryebashkiaku Erion Veliaj qëndron indiferent, duke u justifikuar se janë marrëdhënie privat-privat, ndërkohë që nuk dërgon Njësinë e Zbatimi të Projekteve për kontroll.

“Në momentin që kompania koncesionare mori kontratën, duhet që mbetjet urbane, plehrat e përditshme që ne nxjerrim nga shtëpitë duhet të mbuloheshin dhe për këtë duheshin dherat. Që të mbuloheshin me dhera këto plehra, kompania koncesionare ose do t’i blinte në treg, ose do t’i gjente diku dhe ka bërë një marrëveshje me Bashkinë e Tiranës. Ata kanë bërë një marrëveshje dhe nuk kanë miratuar tarifën. Vetëm me vullnetin e tyre, kompania koncesionare ka miratuar një tarifë.

Kompanitë private tashmë, ndërtuesit, që flasin jo me privat, por me kompaninë koncesionare, ku ndërmjetëse është Bashkia, e cila i ndek me policinë bashkiake, i ndek me mjedis dhe IMT shpik një tarifë 4 mijë lekë për m2 dhe dhe 800 mijë lekë për inertet sepse inertet janë dyfish. Kur shkonin kompanitë private dhe i peshonin, ka dhe një detaj, një m2 dhe është 1.5 ton, por ia faturonin 750 lekë me tvsh, dhe kjo tarifë nuk u miratua kurrë nga qeveria. Qeveria thotë nuk e di këtë tarifë, bashkia thotë është marrëdhënie privat-privat. Por çfarë ka ndodhur?

Bashkia ka sabotuar Njësinë e Zbatimit të Projekteve, nuk ka çuar përfaqësuesit e saj. Dhe ndërkohë kompania thotë unë kam operuar, shteti nuk ka dijeni dhe janë vjedhur 60 milionë euro. Këto qeshin se janë lekë dherat në marrëdhënie privat-privat, jo janë lekë që janë futur kosto te çdo apartament, te çdo m2 që kanë blerë banorët e Tiranës”, u shpreh ai, duke theksuar se për këtë arsye janë rritur edhe vlerat e pronave në Tiranë.

Fundo nënvizoi se tarifën e dherave e ka vendosur Bashkia e Tiranës, me bekimin e Veliajt dhe drejtorëve të Veliajt./ CNA