web counter
LEXO PA REKLAMA!

SHKARKO APP

App Store
Google Play

E fundit!

x

Protesta e nesërme për Veliajn/ Policia merr masat, ja rrugët që bllokohen në Tiranë

25 Prill 2024, 16:06, Aktualitet CNA

Protesta e nesërme për Veliajn/ Policia merr masat, ja rrugët

Ditën e nesërme, Aleanca për Mbrojtjen e Teatrit ka njoftuar se do të mbajë protestën e radhës para Bashkisë së Tiranës, për të kërkuar dorëheqjen e menjëhershme të Erion Veliajt.

Policia e Shtetit ka publikuar ditën e sotme, masat organizative dhe operacionale për garantimin e rendit publik dhe sigurisë gjatë zhvillimit të protestës.

"Në zbatim të planit të masave, Policia e Shtetit njofton se, ditën e nesërme, në orën 09:45 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye sugjerojmë që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.

Gjatë dy tubimeve të fundit, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë.

Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore. Policia u bën thirrje organizatorëve, drejtuesve dhe pjesëmarrësve në tubime të respektojnë ligjin dhe të distancohen nga çdo akt dhune.

Cenimi i rendit e sigurisë publike dhe rrezikimi i shëndetit e jetës së punonjësve të policisë përbëjnë shkelje të ligjit dhe Policia e Shtetit do të veprojë gjithnjë me profesionalizëm."/ CNA





Lajmet e fundit nga