web counter
LEXO PA REKLAMA!

SHKARKO APP

App Store
Google Play

Zv.drejtori i “RAI 3” i përgjigjet Ramës/ “Nuk po sulmojmë Shqipërinë, do vazhdojmë programin”

24 Prill 2024, 22:32, Aktualitet CNA
Zv.drejtori i “RAI 3” i përgjigjet Ramës/ “Nuk po
Zëvendësdrejtori i “Rai 3”, Sigfrido Ranucci

Zëvendësdrejtori i “Rai 3”, Sigfrido Ranucci, i është përgjigjur kryeministrit Edi Rama për kritikën ndaj televizionit italian, i cili nxori një reportazh për Shqipërinë.

Në një intervistë për Armela Ferkon, Ranucci tha se dokumentari i tyre nuk është një sulm për popullin shqiptar.

“Këtë duhet ta them qartësisht, nuk është një sulm ndaj popullit shqiptar, që sipas meje është shumë i afërt me ne. Absolutisht nuk duhet të përgjithësojmë. Është një transmetim shumë kritik, por ne nuk duam të përgjithësojmë. Ne kemi folur për çështje me emra dhe mbiemra. Kur ka përgjegjësi penale, ka emra dhe mbiemra. Nuk është sulm për popullin shqiptar, për Shqipërinë.

Fakti që është përdorur Rama dhe Shqipëria për të sulmuar Melonin nuk është aspak i vërtetë. Sikurse nuk e keni parë, as nga ana e qeverisë italiane, as nga qeveria shqiptare, nuk kemi pasur fatin që të bashkëbisedojmë me ta dhe të sqarojmë faktet”, u shpreh ai.

Zv.drejtori i “Rai 3” deklaroi se program do të vazhdojë, ndërsa për deklaratat e Ramës pretendoi se janë bërë për të krijuar tensione mbi shtypin e lirë.

“Unë nuk e marr si presion. Mendoj se Rama i ka thënë ato gjëra në interesin ekskluziv të Shqipërisë, për të krijuar tensione mbi shtypin e lirë të një vendi tjetër se kjo do ishte e rëndë po ta bënte.

Ndërkohë Rama me gjithë respektin duhet të dijë se nëse Report zotëron informacione që janë në interesin publik të këtij vendi, por edhe të shqiptarëve si popull, Rama mund të mbështetet në kontributin e Reportit, në kuptimin që në një program që do vazhdojë të bëjë punën e vet, do ishte një gjest i bukur nga ana e Ramës nëse do pranonte të bënte intervistën me ne”, theksoi Sigfrido Ranucci./ CNA





Lajmet e fundit nga