web counter
LEXO PA REKLAMA!

SHKARKO APP

App Store
Google Play

E fundit!

x

Amnesty International publikon raportin për të drejtat e njeriut/ Shqetësues pakti Rama-Meloni

24 Prill 2024, 17:23, Aktualitet CNA
Amnesty International publikon raportin për të drejtat e njeriut/
Edi Rama dhe Giorgia Meloni

Amnesty International, organizata e mbrojtjes së të drejtave të njeriut në botë, publikoi raportin mbi gjendjen në 155 vende të vrojtuara, përfshirë edhe Shqipërinë.
Raporti vëren se autoritarizmi është një forcë në rritje në rang global dhe se numri i njerëzve që jetojnë në shtete demokratike, pra shtete të së drejtës apo shtete të sundimit të ligjit, ra gjatë vitit të kaluar në nivele që nuk ishin parë që nga viti 1985.
Praktikat dhe idetë autoritariste prekën apo u përdorën nga shumë qeveri dhe shoqëri. Në veri dhe në jug, në lindje dhe në perëndim, politikat autoritariste gërryen lirinë e shprehjes dhe të organizimit shoqëror, goditën barazinë gjinore dhe luftuan të drejtat seksuale apo riprodhuese,” vëren raporti.

Për sa i përket Shqipërisë, Raporti vëren si shqetësim të veçantë marrëveshjen e arritur nga qeveria e kryeministrit Edi Rama dhe qeveria italiane e kryeministres Giorgia Meloni, në lidhje me ndërtimin e dy kampeve për izolimin e refugjatëve që Italia synon t’i sjellë në Shqipëri, për procesimin e kërkesave të mundshme për azil.
Sipas Amnesty International, Pakti Rama-Meloni ngre shqetësime serioze sa i përket dhunimit të të drejtave të azilkërkuesve.
“Në nëntor, Shqipëria dhe Italia nënshkruan një marrëveshje që përcakton se Italia do të ndërtonte dy kampe në Shqipëri për të sjellë emigrantët e kapur nga autoritetet italiane në det, ndërsa përpiqeshin të arrinin në brigjet italiane. Organizatat e të drejtave të njeriut dhe të tjera shprehën shqetësimin për ndikimin që kjo mund të ketë në të drejtat e refugjatëve, azilkërkuesve dhe emigrantëve, duke përfshirë ndalimin automatik për arsye arbitrare”, vëren raporti./ CNA





Lajmet e fundit nga