web counter
LEXO PA REKLAMA!

SHKARKO APP

App Store
Google Play

E fundit!

x

Post-pandemia ngadalëson inovacionin/ KI: 1 në 5 kompani nuk i kushton fare vëmendje

24 Prill 2024, 16:20, Aktualitet CNA

Post-pandemia ngadalëson inovacionin/ KI: 1 në 5 kompani nuk i kushton

Në 10 kompani, vetëm 4 prej tyre i japin vëmendje të konsiderueshme inovacionit.

Të dhënat e Këshillit të Investimeve tregojnë se fokusi në këtë drejtim i biznesit në Shqipëri ka ardhur në ngadalësim në raport me periudhën e fillimit të post-pandemisë.

“Më shumë se 4 në 10 kompani i japin vëmendje të konsiderueshme inovacionit në kompaninë e tyre; Ndërsa 1 në 5 kompani nuk i kushton fare vëmendje.

Të dhënat janë në përkeqësim krahasuar me vitin 2021” thuhet në vrojtimin e fundit të KI për sfidat e sektorit privat, informaliteti, produktiviteti dhe inovacioni.

Gjetjet konfirmojnë se në vitin 2021 të paktën 78 për qind e kompanive raportuan se i kushtonin rëndësi të konsiderueshmen inovacionit në raport me 45 për qind në vitin 2024.

Post-pandemia ngadalëson inovacionin/ KI: 1 në 5 kompani nuk i kushton

Mesatarisht, vëmendje i kushtohet nga 34 për qind në vitin 2024 në raport me 24 për qind. Nuk i kushtohet fare vëmendje janë përgjigjur 21 për qind e bizneseve në vitin 2024 në raport me 4 për qind në 2021.

Në vitin 2020 dhe 2021 për shkak të kufizimeve që solli pandemia vëmendja për inovacionin dhe teknologjinë pësoi një rritje të dukshme duke synuar lehtësim të proceseve të punës në kushtet e kufizimeve.

Një tjetër pikë në anketën e KI është ajo për Kërkimin dhe Zhvillimin .

Nga përgjigjet e bizneseve ka rezultuar se “Në përgjithësi fondet në lidhje me K&ZH alokohen sipas rastit specifik dhe vetëm 6% deklarojnë se kanë fond të dedikuar për K&ZH—treguese në përkeqësim krahasuar me vitin 2021”.

Post-pandemia ngadalëson inovacionin/ KI: 1 në 5 kompani nuk i kushton

Lidhur me trajnimin e punonjësve raportohet se kompanitë i trajnojnë vetëm sipas rastit dhe nuk kanë fonde të dedikuara për trajnim.

Për vitin 2024 60 për qind e bizneseve janë përgjigjur se nuk kanë fond të dedikuar për këtë por veprojnë sipas rasteve kurse në vitin 2021 vetëm 7 për qind e bizneseve janë përgjigjur kështu.

Me përgjigjen “po” për fonde të dedikuara janë përgjigjur 16 për qind e bizneseve në vitin 2024 kurse në vitin 2021 kjo përgjigje ishte marrë nga 38 për qind e bizneseve./ Monitor.al





Lajmet e fundit nga