web counter
LEXO PA REKLAMA!

SHKARKO APP

App Store
Google Play

E fundit!

x

Përpëlitjet e Veliajt për të shpëtuar nga afera “5D”/ Komplotet kundër Ramës

24 Prill 2024, 10:45, Aktualitet CNA
Përpëlitjet e Veliajt për të shpëtuar nga afera
Edi Rama dhe Erion Veliaj, fotomontazh

Themelet e Bashkisë Tiranë janë shkundur pasi drejtorët e kryebashkiakut Erion Veliaj po bien njëri pas tjetrit në gropën e madhe të korrupsionit që kanë krijuar me tenderë dhe zgjatjen e tentakulave të tyre deri tek ajo që quhet vjedhja e shekullit.

Pasi drejtorët e tij ndodhen pas hekurave, Erion Veliaj po përdor çdo mjet për të shpëtuar lëkurën e tij dhe për të zhvendosur vëmendjen nga skandali ku është përfshirë.

Vetë kryeministri Edi Rama kërkoi nga SPAK që t’i shkojë deri në fund hetimeve pas epoka e të paprekshmëve kishte përfunduar.

Mesazhi i kryeministrit Rama ishte shumë i qartë pas kryebashkiaku lëshoi kërcënime të njëpasnjëshme për kreun e qeverisë, për faktin se edhe ministra apo zyrtarë të qeverisë kanë ngrënë kumbulla dhe dardha pas shpinës së tij.

Nga ana tjetër Veliaj nuk po i ndal sulmet ndaj kryeministrit Rama. E gjitha kjo për ta zhvendosur vëmendjen duke risjellë akuza për çështje të vjetra si ajo e Olsi Ramës, vëllait të kryeministrit.

Duket se Veliaj po e godet poshtë brezit Ramën, duke vënë në shënjestër familjarët e apo si së fundi ndaj Sekretarit të Përgjithshëm të Këshillit të Ministrave, Ëngjëll Agaçi, ndaj të cilit një gazetar italian po kryen investigime sërish për çështje të vjetra, i cili thotë “njeriu kyç i marrëveshjes Rama-Meloni është ish-avokat i trafikantëve të drogës”.

Për këto sulme ka folur dhe gazetari Sokol Balla, i cili njihet si një gazetar pranë kryeministrit Rama, duke thënë se nga oborri i madh i mazhorancës po bëhen sponsorizime nga e majta pikërisht për të goditur kryeministrin dhe për ta larguar vëmendjen nga afera 5D dhe korrupsioni që ka mbërthyer Bashkinë e Tiranës, zyrtarët e të cilës janë vendosur prapa hekurave.

“Në një aksion të orkestruar në zyrat e doktorit dhe në një zyrë tjetër jashtë ballkonit por brenda oborrit të madh të mazhorancës depuetë të PD, gazetari italian, ndoshta dhe sponsorizime të brendshme nga e majta goditën kryeministrin në një nga momentet më delikate të përballjes së drejtësisë me korrupsionin e vjetër por dhe atë të ri.

Akuzat e këtij dokumentari ishin të vjetra atyre u dha jetë Gazment Bardhi dhe këtu nis anomalia. Anomali që vazhdon me spostimin e vëmendjes nga epiqendra e drejtësisë së re e cila në fakt nuk është Olsi Rama.

Prej ditësh opozita proteston në dyert e Bashkisë së Tiranës pasi SPAK i dha një goditje të dytë amdinistratës lokale të kryeqytetit”, ka thënë Balla.

Veliaj po vijon me përpëlitjet e tij për t’i shpëtuar drejtësisë e cila po kryen hetime intensive për korrupsionin galopant që ka kapluar Bashkinë e Tiranës.

SPAK i ka dërguar dy fletë thirrje për tu paraqitur për tu pyetur mbi dosjet e nxehta dhe aferat e korruptive që tashmë kanë dalë sheshit./ CNA





Lajmet e fundit nga