web counter
LEXO PA REKLAMA!

SHKARKO APP

App Store
Google Play

E fundit!

x

Hapet qendra e inovacionit për lëndët e para, Balluku: Një gur kilometrik në zhvillimin e industrisë minerare

23 Prill 2024, 17:29, Aktualitet CNA
Hapet qendra e inovacionit për lëndët e para, Balluku: Një
Zv.kryeministrja Belinda Balluku

Zv.kryeministrja dhe njëkohësisht ministrja e Infrastrukturës, Belinda Balluku ishte sot në Elbasan, në hapjen e Qendrës Rajonale të Inovacionit të Institutit Evropian të Teknologjisë për Lëndët e Para.

Balluku në fjalën e saj theksoi se lënda e parë mund të gjendet edhe në një sipërfaqe të vogël, ashtu siç është Shqipëria, vetëm 28 mijë kilometra katrorë, por me pasuri të jashtëzakonshme.

Ministrja gjithashtu tha se kjo qendër do të kthehet në një “fole të re”, një inkubator i ri i ideve, të kërkimeve akademike, të nxitjes të një sektori, siç është sektori minerar në Shqipëri.

“Duhet thënë që për shkak të të gjithë situatës globale të viteve të fundit, duke nisur këtu nga pandemia apo dhe lufta në Ukrainë, fokusi kryesor i qeverisë apo edhe i qeverive të tjera në Europë dhe me gjerë, nuk ka qenë padyshim tek sektori minerar. Por, ama kemi marrë edhe ne mësimet tona. Mësime të cilat na treguan që nuk mund të varemi nga një vend i kufizuar, siç ishte rasti i zonës së Ukrainës apo të Rusisë për të pasur materiale lëndë të para, të cilat janë të rëndësishme për mbarëvajtjen e kontinenteve.

Filluam të kuptojmë që edhe vendet e vogla, siç është Shqipëria dhe këtë ka filluar ta kuptojë Bashkimi Europian, ne e kemi ditur, mund të jenë shumë të rëndësishme për kontributin e industrisë minerare dhe si rrjedhojë e lëndës së parë që mund të përdoret nga industria automotive sot dhe deri tek burimet e energjisë së rinovueshme.

Kjo lëndë e parë kaq e rëndësishme mund të ndodhet edhe në një sipërfaqe të vogël, ashtu siç është Shqipëria, vetëm 28 mijë kilometra katrorë, por me pasuri të jashtëzakonshme që ju e dini shumë më mirë se unë.

Sot është një ditë e shënuar pasi të gjithë së bashku me kontributin tuaj, me fokusin e qeverisë shqiptare dhe padyshim edhe me mbështetjen e Bashkimit Europian, si një partner strategjik i vendit tonë, kemi arritur në një ditë të shënuar për të qenë të gjithë këtu së bashku dhe për të hapur një fole të re, një inkubator të ri të ideve, të kërkimeve akademike, të nxitjes të një sektori që është sektori minerar në Republikën e Shqipërisë.

E gjitha kjo do të ndodhë falë Qendrës Rajonale të Inovacionit të Institutit Europian të Teknologjisë dhe Inovacionit për Lëndët e Para, duke shënuar kështu një gur kilometrik në zhvillimin e industrisë minerare në vendin tonë.”, u shpreh Balluku./ CNA





Lajmet e fundit nga