E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Dje ishte "non grata", si i lëpihet sot "Topi" i inceneratorëve Taulant Ballës

23 Prill 2024, 11:50, Aktualitet CNA

“Top Channel”, televizioni ortak me inceneratorët prej kohësh tashmë, ka nisur të bëjë propagandë për ministrin e Brendshëm, Taulant Balla.

Tani i është vënë në shërbim ministrit, të cilin vite më parë e kishte si halë në sy apo si gur në këpucë.

Vetëm një ditë më parë, televizioni ortak me inceneratorët, reklamoi takimet e ministrit, të cilin dikur 24/7 e sulmonte dhe sot 24/24 e raporton.

Le të kthehemi pas në kohë, për të kuptuar ndryshimin si dita me natën të raportit të "Top Channel" me Ballën.

Sjellim në kujtesë që në vitin 2019, "Top Channel" e sulmonte Ballën me akuza për plagjiaturë doktorature.

Dje ishte "non grata", si i lëpihet sot "Topi" i

Sulmet e "Top Channel" ndaj Taulant Ballës, raportimet dhe kronikat

Por sulmet nuk u ndalën, edhe pse Balla në atë kohë mohoi akuzat e ngritura nga "Top Channel".

Në nëntor të vitit 2022, përmes një tjetër kronike, televizioni i Vjollca Hoxhës, ortakes së "trurit" të inceneratorëve, Mirel Mërtiri, raportoi se Taulant Balla ishte përgjuar, por gjykata kërkoi heqjen e përgjimit dhe asgjësimin e CD-së.

Dje ishte "non grata", si i lëpihet sot "Topi" i

(Kronika e "Top Channel")

Këto nuk janë rastet e vetme, pasi sulmet ndaj Ballës janë të përsëritura për një kohë të gjatë.

Por "Top Channel" kaloi "ylberin" dhe ndryshoi kahun e sulmit menjëherë pas emërimit të Taulant Ballës si ministër i Brendshëm.

Nga “non grata”, "Top Channel" nisi të pasqyronte hap pas hapi punën e Ballës.

Kronika të njëpasnjëshme, servilizëm për të treguar se policia e Ballës kishte gjobitur Delina Ibrahimajn.

Dje ishte "non grata", si i lëpihet sot "Topi" i

Pasqyrimi si një sukses i një akti që në fakt është detyrë për çdo punonjës të policisë, të ndëshkojë shkelësit e ligjit.

(Kronika e "Top Channel" për gjobën ndaj Ibrahimajt)

Por nuk mjafton me kaq servilizmi, pasi kulmi i tij arrin ku Ballën e shohim në “Portokalli”, këtë herë pjesë e një skeçi.

Balla në "Portokalli"

Pra siç mund të konstatojmë nga këto fakte, "Top Channel", televizioni ortak me inceneratorët, është kthyer tashmë në një lëpirës të Taulant Ballës.

Njeriu që deri dje ishte shënjestër sulmesh, ishte “non grata” për këtë media, sot raportohet dhe i bëhet propagandë, dhe këtë e provojnë faktet e mësipërme./ CNA