web counter
LEXO PA REKLAMA!

SHKARKO APP

App Store
Google Play

E fundit!

x

Sejamini tregon skemën: Vrasësit e dënuar në Itali transferohen drejt Shqipërisë për t'u liruar

23 Prill 2024, 08:42, Aktualitet CNA
Sejamini tregon skemën: Vrasësit e dënuar në Itali
Neritan Sejamini

Analisti Neritan Sejamini, duke komentuar reportazhin e gazetarit Giorgio Mottola, të transmetuar në kanalin shtetëror italian "RAI 3", ngre shqetësimin se shqiptarët që janë dënuar nga autoritetet italiane transferohen drejt Shqipërisë për t'u liruar. 

Në emisionin “Të Paekspozuarit” në "MCN TV" ai theksoi se kjo bëhet sipas marrëveshjes për të liruar burgjet italiane, por këta të dënuar vijnë në Shqipëri për t’u liruar pas një ose dy vitesh, edhe pse mund të jenë dënuar me 30 vite burg.

“Problemi i shqiptarëve të dënuar në Itali që lirohen për të liruar burgjet italiane dhe vijnë këtu për të dalë nga burgu pas një ose dy vitesh. Ky është një rast që duhet hetuar. Nëse kjo është e vërtetë kjo është e rrezikshme. Se këtu ke vrasës që bëhen biznesmenë, edhe pse janë dënuar nga 20-30 vite atje. Nëse ka kriminelë që kryejnë krime dhe vrasje jashtë, nëse vijnë në Shqipëri janë sërish të tillë. Kjo çështje trajtohet në dokumentarin italian. Dihet sa të dënuar kanë ardhur nga Britania apo Italia për të vuajtur dënimin në Shqipëri dhe ajo ka detyrim për zbatimin e këtyre dënimeve. Është edhe çështja e tentativës për të korruptuar një gjeneral të Guardia di Finanza. Gazetari italian i shërben interesit të Italisë, ku ka përplasje mes së majtës dhe të djathtës për marrëveshjen Rama-Meloni për emigrantët. E majta nuk është dakord për këtë. Opozita italiane ka një qëndrim parimor", tha Sejamini./CNA 





Lajmet e fundit nga