E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Sejamini: “5D”, organizatë kriminale/ Beci: Mafia merr para nga buxheti dhe ndërton hotele

23 Prill 2024, 08:03, Aktualitet CNA

Sejamini: “5D”, organizatë kriminale/ Beci: Mafia merr para nga

Neritan Sejamin dhe Eugen Beci

Gazetari Neritan Sejamini ka folur për korrupsionin e "5D" duke e quajtur një organizatë të pastër kriminale.

I ftuar në emisionin "Të Paekspozuarit" me Ylli Rakipin, Sejamini është shprehur se çdo ditë po dalin në dritë qindra vendime shtetërore që janë marrë për të favorizuar njëri-tjetrin.

Sipas Sejaminit, kemi një grup njerëzish, drejtorë, ish-drejtorë, që kanë vepruar në mënyrë të organizuar. Ka kompani dhe persona, që kanë bashkëpunuar në shumë vende, që është aktivitet i pastër kriminal.

“Gjithnjë e më shumë del në dritë që janë marrë me qindra vendime shtetërore për të favorizuar njëri-tjetrin. Në tetë vite këta kanë vepruar për të grabitur, për të çuar paratë publike te xhepi i tyre privat, përmes qindra vendimeve. Mund të bësh një tender, me një akt vjedh 20 milionë euro. Ndërsa këta kanë bërë me qindra procedura. Ka pasur aktivitet të dendur për të favorizuar privatin, është veprimtari kriminale e qëndrueshme. Praktikisht ke një grup njerëzish, drejtorë, ish-drejtorë, që kanë vepruar në mënyrë të organizuar. Ka kompani dhe persona, që kanë bashkëpunuar në shumë vende, që është aktivitet i pastër kriminal. Kanë vepruar në bashkëpunim dhe koordinim, është organizatë e pastër kriminale”, tha ai.

Në vijim të kësaj, ish-prokurori Eugen Beci tha se në këtë rast mafia mbledh para nga krimi i organizuar, trafiqet, veprat penale dhe këto nëpërmjet prestanomeve përpiqet t’i fusë në kanale zyrtare.

“Është rast studimor, mafia mbledh para nga krimi i organizuar, trafiqet, vepra penale dhe këto nëpërmjet prestanomeve përpiqet t’i fusë në kanale zyrtare. Kurse këtu paratë zyrtare, merren dhe futen në këto kanale. Marrin para nga buxheti dhe ndërtohen hotele. Zoti Sejamini përmendi elementë që tregojnë bashkëpunim, në formë të qëndrueshme, të vazhdueshme, konkluzionin e kuptojnë vetë prokurorët se të kujt organizate janë këto tipare”, u shpreh ai./ CNA