web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri Rama viziton kompleksin e ri arsimor në Valias

22 Prill 2024, 14:36, Aktualitet CNA
Kryeministri Rama viziton kompleksin e ri arsimor në Valias
Kryeministri Edi Rama në Valias

Kryeministri Edi Rama, i shoqëruar nga ministrja e Arsimit, Ogerta Manastirliu, dhe Lindita Nikolla ka qenë ditën e sotme në Bashkinë e Kamzës, ku ka hapur dyert kompleksi i 38-të arsimor.

Kryeministri vizitoi shkollën 9-vjeçare “Demokracia”, kopshtin dhe çerdhen e re në Valiasin e ri, ku sapo janë hapur dyert për mbi 700 nxënës, fëmijë, mësues dhe edukatorë, në një kompleks të rindërtuar nga themelet, i shtrirë në 4,400 m2.

Rama u shpreh se falë qytetarëve, qeverisjes së rilindjes iu dha kjo mundësi, për të ndërtuar shkolla, kopshte dhe çerdhe, e sidomos për të bërë ujësjellës për zonën e Valiasit, që sipas Ramës para mandatit të Rakip Sulit, ka qenë e mbuluar nga ujërat e zeza.

“Shikoni çfarë shkolle, nuk mbaron. Është vërtet një shkollë shumë e bukur. Valiasi i ri ka qenë si ‘demokracia’ njësoj. Shikoni të bëni sa më shpejt edhe kopshtin bujqësor. Hap pas hapi do t’i bëjmë të gjitha. Këtu në Valias dhe në Kamëz do të investojmë. Mjaft më me dy gishta. Nuk ka të majtë dhe të djathtë. Sepse tek kjo rrugë kalojnë të gjithë, si të majtë dhe të djathtë. Demokratë kemi qenë dhe jemi të gjithë. Demokratët më të mëdhenj janë socialistët”./ CNA





Lajmet e fundit nga