web counter
LEXO PA REKLAMA!

SHKARKO APP

App Store
Google Play

“RAI 3” e akuzoi si avokat i trafikantëve/ Agaçi: Do t'i padis për shpifje

22 Prill 2024, 13:20, Aktualitet CNA

“RAI 3” e akuzoi si avokat i trafikantëve/ Agaçi: Do

Sekretari i Përgjithshëm i Këshillit të Ministrave, Ëngjëll Agaçi, ka reaguar në lidhje me akuzat që i janë bërë nga një emision italian, "Report" në "RAI 3".

Në këtë emision u fol për marrëveshjen Rama-Meloni për emigrantët, ku u theksua se njeriu kyç në këtë marrëveshje është Ëngjëll Agaçi. duke e quajtur një ish-avokat të trafikantëve të drogës në Tiranë. 

“Njeriu kyç në marrëveshjen e kërkuar nga qeveria Meloni është Engjëll Agaçi, sekretar i kryeministrit Edi Rama dhe ish-avokat i eksponentëve kryesorë të mafies shqiptare në Itali, në qendër të një tentative të bujshme për të korruptuar kreun e Interpolit të Romës… Agaçi është një avokat i rëndësishëm shqiptar me zyrë edhe në Romë. Në të kaluarën, klientë të tij ishin edhe disa nga bosët kryesorë të mafies shqiptare, të gjykuar në Itali”.

Pas emisionit, ka reaguar Agaçi, i cili ka paralajmëruar se do të ngrejë padi ndaj emisionit duke u shprehur se ka 10 vite që e ka lënë këtë detyrë dhe se krahasimi i bërë për të ishte shumë i dëmshëm për reputacionin.

“Kam lënë detyrën ligjore dhjetë vjet më parë dhe krahasimi i bërë nga programi televiziv 'Report' është shumë i dëmshëm për reputacionin tim. Unë kam udhëzuar tashmë avokatët e mi italianë që të ngrenë një padi për shpifje kundër programit televiziv shtetëror italian. Burimet duhet të verifikohen dhe po ashtu edhe lajmet”.

Në qarqet politike aludohet se inspiruesi i sulmeve ndaj Agaçit dhe kryeministrit është kryebashkiaku Erion Veliaj./ CNA





Lajmet e fundit nga