E fundit!

16:28 Aktualitet

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

Drejtori i Përgjithshëm i Policisë së Shtetit, Skënder Hit...

Muralja te "Fish City" me "kazanin që vlon" nga SPAK-u/ Shpjegimet e Gjergj Lucës dhe gazetarëve

21 Prill 2024, 13:04, Aktualitet CNA

Muralja te "Fish City" me "kazanin që vlon" nga SPAK-u/

Muralja e re te "Fish City" në Elbasan

Në "Fish City" në qytetin e peshkut dhe frutave të detit në Elbasan, biznesmeni i njohur, Gjergj Luca, ka shtuar edhe një murale të re. Këtë vepër të re arti ai e ka shfaqur për herë të parë me disa gazetarë si Anila Basha, Aleksandër Çipa e të tjerë.

Në video shfaqen momentet nga shpjegimi i vetë Lucës dhe komentet e gazetarëve rreth personazheve të kësaj vepre arti, që ka marrë shumë orë pune.

Në këtë murale shfaqen politikantët e njohur shqiptarë, si Sali Berisha, Edi Rama, Lulzim Basha, Belinda Balluku dhe një sërë deputetësh të mazhorancës dhe opozitës.

Më interesantja e gjithë kësaj muraleje, që në fakt përcjell jo pak mesazhe, është një kazan nën të cilin ka një zjarr, ku është futur kreu i Bashkisë së Tiranës dhe ministra e deputetë. Anash kazanit shkruhet "Vetting, Dumani", duke përçuar mesazhin se janë në "sitë" nga ana e SPAK-ut dhe jo vetëm.

Një detaj që s'duhet humbur është edhe Rama ku në karikaturë shfaqet si sulltan dhe në krah të tij është Luli. Ndërsa Berisha shfaqet në karikaturë si një oktapod, i rrethuar nga deputetët e opozitës.

Vetë biznesmeni shprehet se kjo vepër arti ka edhe një datë skadence, e cila është më 1 janar 2031. Kjo datë është vendosur pas një dakordësimi mes biznesmenit dhe gazetarëve kritikë.

"Veprat e reja të artit kur janë gati e para se të përurohen duhet si fillim të shihen nga syri i kritikëve, ndaj unë nuk mund të rrija pa ftuar një grup miqsh gazetarësh të njohur e të sprovuar. Anila, Sandri, Eltoni dhe Ëngjëlli asistuan karikaturën më të re murale në qytezën Rozafa dhe debatuan me mua duke i dhënë kohë skadence kësaj vepre arti: 1 janar 2031!", shprehet Luca në rrjetet sociale ku ka shpërndarë edhe një video nga komentet me gazetarët./CNA