web counter
LEXO PA REKLAMA!

SHKARKO APP

App Store
Google Play

“Veliaj në Holandë në kërkim të 100 milionë eurove”/ Këlliçi: I duhet të mbyllë gropat

20 Prill 2024, 18:12, Aktualitet CNA
“Veliaj në Holandë në kërkim të 100 milionë
Belind Këlliçi

Drejtuesi politik i PD-së për Tiranën, Belind Këlliçi ka deklaruar se në 25 Prill, kryebashkiaku Erion Veliaj do të udhëtojë për në Holandë për të gjetur 100 milionë eurot që do të bëhej landfilli i Tiranës.

Gjatë një interviste në Syri Tv, Këlliçi tha se Veliajt i duhet të mbyllë disa gropa të mëdha financiare pasi ka vjedhur paratë dhe incenerator s’ka.

Këlliçi theksoi se po vijon të paguhet për një kontratë që është lidhur me dokumente false, kur prestanomet Zoto dhe Mërtiri janë publikë dhe na dalin si holandezë.

“Këta të SPAK a i dinë këto gjëra, apo kanë mision të godasin vetëm opozitën. Kryebashkiaku i Tiranës ka vjedhur 162 mln euro dhe askush nuk mban përgjegjësi”, tha Këlliçi.

Më tej, anëtari i Kryesisë së PD-së, tha se nëse një kryebashkiak në botë apo në Europë do të rezultonte i përfshirë në të tillë skemë korrupsioni do të ishte larguar apo do të kishte dhënë dorëheqjen.

“Po pse këta drejtorët kanë vjedhur me ‘5D’ dhe Erjoni nuk dinte gjë, këta që ishin projektuar si ministrat e Veliajt kur ai mendonte se do të bëhej Kryeministër, këta janë ata që Erjon Veliaj na tregonte se kanë ndryshuar Tiranën, se ka bërë punë shumë të mira”, tha Këlliçi./ CNA





Lajmet e fundit nga