web counter
LEXO PA REKLAMA!

SHKARKO APP

App Store
Google Play

Mesazhi i ambasadës italiane për protestën para Bashkisë Tiranë

19 Prill 2024, 15:49, Aktualitet CNA
Mesazhi i ambasadës italiane për protestën para Bashkisë
Protesta para Bashkisë Tiranë

Ambasada italiane në Tiranë ka reaguar për protestën e zhvilluar sot para Bashkisë Tiranë, ku u kërkua dorëheqja e Erion Veliajt. 

"Ambasada e Italisë në Tiranë dënon aktet e dhunës të kryera sot gjatë protestës së zhvilluar para Bashkisë Tiranë. E drejta për t'u organizuar paqësisht e për të protestuar është thelbësore në një shoqëri demokratike, por dhuna ndaj objekteve apo personave nuk është aspak e justifikueshme", thuhet në reagim.

Afro dy orë ka zgjatur protesta e tretë para Bashkisë së Tiranës, ku qytetarët kërkuan me çdo kusht dorëheqjen e kryebashkiakut Erion Veliaj.

Nuk munguan tensionet, përplasjet me policinë, pasi protestuesit tentuan të futeshin brenda godinës së bashkisë. U hodhën edhe flakadanë dhe shishe me bezinë, si pasojë u krijua edhe zjarr para godinës.

Ata tentuan të hiqnin edhe barrierat, por dhjetëra forca policie kishin rrethuar godinën dhe nuk lejuan që qytetarët të depërtonin në këtë institucion. 

Madje nuk u lejuan të futeshin në bashki as anëtarët e Këshillit Bashkiak, të cilët hodhën akuza ndaj policisë, si bashkëpunëtore e Erion Veliajt. 

Në këtë protestë Veliaj, kishte nxjerrë në terren edhe patronazhistët, të cilët nga tarraca e godinës por edhe nga sheshi filmuan gjithçka rreth veprimeve të protestuesve. 

Në protestë ishte i pranishëm edhe Belind Këlliçi, i cili bërë një denoncim të fortë, ku tha se kryebashkiaku i Tiranës, Erion Veliaj do të shkojë në Holandë te kompania mëmë e inceneratorit të Tiranës./CNA 





Lajmet e fundit nga