web counter
LEXO PA REKLAMA!

SHKARKO APP

App Store
Google Play

E fundit!

x

Përplasje, zjarr dhe tensione/ Përfundon pas afro 2 orësh protesta para Bashkisë Tiranës

19 Prill 2024, 12:40, Aktualitet CNA
Përplasje, zjarr dhe tensione/ Përfundon pas afro 2 orësh
Foto nga protesta para bashkisë

Afro dy orë ka zgjatur protesta e tretë para Bashkisë së Tiranës, ku qytetarët kërkuan me çdo kusht dorëheqjen e kryebashkiakut Erion Veliaj.

Nuk munguan tensionet, përplasjet me policinë, pasi protestuesit tentuan të futeshin brenda godinës së bashkisë. U hodhën edhe flakadanë dhe shishe me bezinë, si pasojë u krijua edhe zjarr para godinës.

Ata tentuan të hiqnin edhe barrierat, por dhjetëra forca policie kishin rrethuar godinën dhe nuk lejuan që qytetarët të depërtonin në këtë institucion. 

Madje nuk u lejuan të futeshin në bashki as anëtarët e Këshillit Bashkiak, të cilët hodhën akuza ndaj policisë, si bashkëpunëtore e Erion Veliajt. 

Në këtë protestë Veliaj, kishte nxjerrë në terren edhe patronazhistët, të cilët nga tarraca e godinës por edhe nga sheshi filmuan gjithçka rreth veprimeve të protestuesve. 

Në protestë ishte i pranishëm edhe Belind Këlliçi, i cili bërë një denoncim të fortë, ku tha se kryebashkiaku i Tiranës, Erion Veliaj do të shkojë në Holandë te kompania mëmë e inceneratorit të Tiranës.

Këlliçi tha se Veliaj ka planifikuar të ikë në Holandë në datën 25 prill, si pronari faktik i inceneratorit të Tiranës.

Nga organizatorët e protestës u paralajmërua se do të ketë sërish tubim javën e ardhshme dhe nuk do të dorëzohen deri në arrestimin e Velijat./CNA 





Lajmet e fundit nga