LEXO PA REKLAMA!

SHKARKO APP

Nis protesta/ Qytetarët e Tiranës kërkojnë dorëheqjen e Veliajt

19 Prill 2024, 11:16, Aktualitet CNA
Nis protesta/ Qytetarët e Tiranës kërkojnë dorëheqjen e
Protesta para bashkisë

Nis protesta para Bashkisë së Tiranës. Qindra qytetarë kërkojnë dorëheqjen e kreut të bashkisë, Erion Veliaj për skandalin me dosjen "5D". 

Deri më tani protesta është paqësore. Ndërkohë kordoni i policisë ka rrethuar godinën e Bashkisë. 

Kjo është protesta e tretë që po zhvillohet para këtij institucioni. 

Për skandalin me kompaninë ""5D", hetimet nga ana e SPAK-ut vijojnë dhe pritet që të ketë persona të tjerë nën hetim. Në Prokurorinë e Posaçme për këtë skandal është thirrur edhe kreu i Bashkisë së Tiranës, Erion Veliaj. 

Nuk kanë munguar edhe kritikat nga Rama në lidhje me skandalet që kanë ndodhur në bashkinë më të madhe të vendit. Ky i fundit nuk i ka kursyer fare drejtorët hajdutë të Erion Veliajt dhe vetë kryebashkiakun, duke i quajtur tradhtarë, frikacakë dhe të korruptuar. Rama ka dalë në mbrojtje të SPAK-ut dhe e ka motivuar që të vijojë me hetimet. 

Në protestën e fundit të zhvilluar para Bashkisë Tiranë, qytetarët u shfaqën të zemëruar ndaj Veliajt. Nuk munguan përplasjet mes tyre dhe policisë, pasi tentuan të futeshin brenda godinës. Ata kërkojnë dorëheqjen e menjëhershme të kryebashkiakut Veliaj. 

Nga ana tjetër, Veliaj është shfaqur "i nxirë" dhe i shqetësuar në daljet mediatike, edhe pse është përpjekur që skandalin ta "mbulojë" me propagandë./CNA

Lajmet e fundit nga