web counter
LEXO PA REKLAMA!

SHKARKO APP

App Store
Google Play

E fundit!

x

Dezinformimi/ Diplomati amerikan: Të respektohet liria e medias

18 Prill 2024, 18:50, Aktualitet CNA
Dezinformimi/ Diplomati amerikan: Të respektohet liria e medias
David Wisner

I ngarkuari me punë i Shteteve të Bashkuara në Tiranë, David Wisner gjatë intervitës së tij për Zërin e Amerikës, foli për çështjen e dezinformimit, si dhe për memorandumin e mirëkuptimit që Sekretari Blinken nënshkroi gjatë vizitës së tij në muajin shkurt.

Diplomati amerikan theksoi se dezinformimi dhe keqinformimi po shkaktojnë një sfidë të vërtetë për Shtetet e Bashkuara, partnerët dhe aleatët tanë në NATO.

Gjithashtu, Wisner tha se çdo përpjekje për të trajtuar dezinformimin duhet të marrë parasysh, dhe të respektojë normat e lirisë së fjalës dhe lirisë së medias.

Zëri i Amerikës: Shumica socialiste miratoi komisionin për disinformimin për të luftuar ndikimin dashakeqës në proceset demokratike. Shumica tha se komisioni është rezultat edhe i memorandumit të mirëkuptimit që Sekretari Blinken nënshkroi gjatë vizitës së tij në muajin shkurt. A është e vërtetë kjo dhe çfarë iu thoni atyre që ngrenë shqetësime për kërcënime të mundshme ndaj lirisë së medias?

David Wisner: Ju përmendët udhëtimin e Sekretarit, i cili ishte një moment i rëndësishëm, jo vetëm për këtë ambasadë, por për marrëdhëniet Shqipëri-SHBA.

Dhe gjatë atij udhëtimi, Sekretari dhe Ministri i Jashtëm Hasani nënshkruan një memorandum, të cilin nxis ndjekësit tuaj, nëse do të donit, mund të shkoni online dhe mund të gjeni detaje mbi marrëveshjen.

Nëse vizitoni faqen e Qendrës për Angazhimin Global në Departamentin e Shtetit, mund të lexoni gjithçka rreth saj. Është një çështje jashtëzakonisht e rëndësishme. Dezinformimi dhe keqinformimi po shkaktojnë sfidë të vërtetë për Shtetet e Bashkuara, partnerët dhe aleatët tanë në NATO, dhe është diçka mbi të cilën duhet të punojmë së bashku.

Mendoj se në të njëjtin kuptim, duhet të jemi shumë të qartë se çdo përpjekje për të trajtuar dezinformimin dhe keqinformimin, duhet të marrë parasysh dhe të respektojë normat e lirisë së fjalës, lirisë së medias, të cilat janë thelbësore për ata çka jemi si anëtarë të NATO-s, si partnerë në dy anët e Atlantikut, dhe kam shumë besim se kjo do të jetë mënyra se si ne do të ecim përpara në bashkëpunimin tonë./ CNA





Lajmet e fundit nga