web counter
LEXO PA REKLAMA!

SHKARKO APP

App Store
Google Play

E fundit!

x

Të premten protesta e tretë para Bashkisë Tiranë/ Kërkohet me çdo kusht dorëheqja e Veliajt

18 Prill 2024, 09:41, Aktualitet CNA
Të premten protesta e tretë para Bashkisë Tiranë/
Erion Veliaj

Të premten pritet të zhvillohet protesta e tretë para Bashkisë së Tiranës, ku qytetarët do të kërkojnë sërish dorëheqjen e Veliajt, pas skandalit të dosjes "5D", ku drejtorët e tij, apo më saktë bashkëpunëtorët e tij, ndodhen pas hekurave për abuzime me tenderët dhe vjedhjen e miliona eurove. 

Ndërkohë hetimet nga ana e SPAK-ut vijojnë dhe pritet që të ketë persona të tjerë nën hetim. Në Prokurorinë e Posaçme për këtë skandal është thirrur edhe kreu i Bashkisë së Tiranës, Erion Veliaj. 

Nuk kanë munguar edhe kritikat nga Rama në lidhje me skandalet që kanë ndodhur në bashkinë më të madhe të vendit. Ky i fundit nuk i ka kursyer fare drejtorët hajdutë të Erion Veliajt dhe vetë kryebashkiakun, duke i quajtur tradhtarë, frikacakë dhe të korruptuar. Rama ka dalë në mbrojtje të SPAK-ut dhe e ka motivuar që të vijojë me hetimet. 

Në protestën e fundit të zhvilluar para Bashkisë Tiranë, qytetarët u shfaqën të zemëruar ndaj Veliajt. Nuk munguan përplasjet mes tyre dhe policisë, pasi tentuan të futeshin brenda godinës. Ata kërkojnë dorëheqjen e menjëhershme të kryebashkiakut Veliaj. 

Nga ana tjetër, Veliaj është shfaqur "i nxirë" dhe i shqetësuar në daljet mediatike, edhe pse është përpjekur që skandalin ta "mbulojë" me propagandë./CNA

 





Lajmet e fundit nga