web counter
LEXO PA REKLAMA!

SHKARKO APP

App Store
Google Play

E fundit!

x

Ish-kryeprokurori: Meta përdor gjuhën e grupeve kriminale ndaj Dumanit, përbën vepër penale

18 Prill 2024, 17:22, Aktualitet CNA
Ish-kryeprokurori: Meta përdor gjuhën e grupeve kriminale ndaj
Ish-kryeprokurori Shkëlqim Hajdari

Ish-kryeprokurori Shkëlqim Hajdari ka komentuar sulmet e Ilir Metës ndaj kreut të SPAK, Altin Dumani.

Në një intervistë, ish-kryeprokurori ka theksuar se gjuha fyese që ka përdorur Meta në sulmet e tij përbën vepër penale.

Hajdari thekson gjuha e përdorur nga Meta kundër SPAK dhe kreut Altin Dumani ngjan me atë të grupeve kriminale.

“Kjo është gjuhë e papranueshme, nuk i bën nder as personit në fjalë, as Shqipërisë. Minimum, ka veprën penale të fyerjes së gjyqtarit. Do jetë gabim nëse Dumani inicion një kallëzim për këtë vepër.

Kjo është gjuhë që tregon se personi në fjalë ka informacione që SPAK-u mundet ta godasë, rruga që ka zgjedhur duke përzierë në një çorbë familjen, partinë e bashkëpunëtorët, nuk është situatë e mirë. Nga ana tjetër, duhet të themi se Dumani ka marrë mbështetje nga KLP, ambasada amerikane, britanike, BE. Publiku shqiptar e shoqëria civile mbështet SPAK-un.

Kjo historia që sa herë goditen pjesë që nuk janë në mazhorancë, thuhet se SPAK po kontrollohet nga qeveria, nuk është e para. Po bëhet telenovelë. Nuk është kjo gjuha që ndihmon punën e SPAK-ut. Është e ngjashme me sulmet që kanë bërë grupet kriminale në Itali psh. Kjo duhet t’i stimulojë më shumë të ruajnë qetësinë”.

Ndër të tjera, ish-kryeprokurori u ka përcejllë mesazh prokurorëve të mos frikësohen.

“Dua të them që prokurorët ballafaqohen me njerëzit në hetim e kanë në sallën e gjyqit. Në sallë, ne kemi marrë edhe kërcënime live, për prokurorët nuk është kërcënim që i dëgjojmë për herë të parë, ndryshimi është që këto fyerje po i marrin nga televizioni. Prokurorët nuk duhet të frikësohen”, shtoi Hajdari./ CNA





Lajmet e fundit nga