web counter
LEXO PA REKLAMA!

SHKARKO APP

App Store
Google Play

E fundit!

x

GJKKO urdhëron SPAK-un/ Beqaj dhe 8 të akuzuarit, asnjë lekë për dosjen hetimore

18 Prill 2024, 11:42, Aktualitet CNA
GJKKO urdhëron SPAK-un/ Beqaj dhe 8 të akuzuarit, asnjë
Gjykata e Posaçme

Gjykata e Posaçme ka urdhëruar SPAK që t'u vëjë në dispozicion të pandehurve të dosjes së koncesionit të sterilizimit fashikujt në mënyre elektronike pa pagesë. 

Vendimi u mor sot nga gjyqtarja Flojera Davidhi, pasi Beqaj refuzoi të paguante 10 milionë lekë të vjetra për të parë dosjen hetimor. Bëhet fjalë për 602 fashikuj në lidhje me dosjen hetimore të sterilizimit. 

I pranishëm në seancë është edhe ish ministri Ilir Beqaj, i cili mbërriti në gjykatë në orët e para të mëngjesit. 

“Vendim i drejtë, rrëzoi pengesën artificiale të qëllimshme të akuzës që na e ka bërë gjatë kësaj kohe. Urdhëruar vënien në dispozicion të 602 fashikujve në mënyrë elektronike pa pagesë", tha ai. 

Gjykata e Posaçme ka dhënë masën e sigurisë "detyrim paraqitje" dhe "ndalim i daljes jashtë shtetit", për ish-ministrin për akuzën "shpërdorim detyre", për koncesionin e sterilizimit të pajisjeve kirurgjikale.

Për këtë çështje janë arrestuar ish-zv.ministri i Shëndetësisë, Klodjan Rrjepaj dhe biznesmeni Ilir Rrapaj. Ata janë nën hetim për "shpërdorim detyre" e "falsifikim dokumentesh". Të dy ndodhen në qeli ndërsa gjykata u ka rrëzuar kërkesën për liri./CNA

 





Lajmet e fundit nga