web counter
LEXO PA REKLAMA!

SHKARKO APP

App Store
Google Play

E fundit!

x

Kërcënimet e Metës ndaj Dumanit/ Wisner ngre alarmin: Shqetësuese të shohësh atë lloj sulmi

18 Prill 2024, 18:21, Aktualitet CNA

Kërcënimet e Metës ndaj Dumanit/ Wisner ngre alarmin:

I ngarkuari me punë i Shteteve të Bashkuara në Tiranë, David Wisner ka komentuar sulmet dhe kërcënimet e kreut të PL-së Ilir Meta ndaj kreut të SPAK, Altin Dumani.

Wisner ka ngritur alarmin duke thënë se është shumë shqetësuese të shohësh atë lloj sulmi.

I ngarkuari me punë i Shteteve të Bashkuara thekson se SHBA dhe qeveria e SHBA përkrah drejtësinë dhe interesat e qytetarëve shqiptarë për një të ardhme më të mirë.

“Nëse kam parë një gjë në tetë muajt e kaluar, qoftë në veri të Shqipërisë, në jug të Shqipërisë, lindje, perëndim, ajo që vërtet i bashkon shqiptarët është se duan të shohin drejtësi. Duan të shohin nëpunës publikë që janë të përkushtuar ndaj asaj që duan shqiptarët dhe jo ndaj interesave private të veta. Kjo është boll e qartë për këdo, për shqiptarët e të gjitha krahëve, dhe mendoj se do të jetë shumë e rëndësishme që të gjithë zyrtarët publikë të Shqipërisë ta mbajnë mirë parasysh këtë.

Është shqetësuese të shohësh ato lloj sulmesh që kemi parë. Nuk kanë vend këtu dhe, ç’është më e rëndësishme, shqiptarët nuk duan këtë. Shqiptarët duan që udhëheqësit e tyre publikë të punojnë për interesat e tyre për ta bërë të nesërmen më të mirë. Dhe mund t’ju them që pikërisht këtë synon të bëjë ambasada e SHBA dhe Qeveria e SHBA përkrah tyre”, tha Wisner pë Zërin e Amerikës./ CNA





Lajmet e fundit nga