web counter
LEXO PA REKLAMA!

SHKARKO APP

App Store
Google Play

Media greke risjell historinë e “harruar” dhe të errët të Fredi Belerit

18 Prill 2024, 18:19, Aktualitet CNA
Media greke risjell historinë e “harruar” dhe të
Fredi Beleri

Media greke “Ta Nea” ka publikuar ditën e sotme një shkrim për të kaluarën e errët të kandidatit për eurodeputet të kryeministrit grek Mitsotakis, Fredi Beleri për zgjedhjet e 9 qershorit.

Bëhet fjalë ngjarjen e 19 marsit të vitit 1995, ku Fredi Beleri bashkë me 6 persona të tjerë u arrestuan pranë kufirit me Shqipërinë.

Sipas medias greke, në bagazhet e dy makinave të tyre ata mbanin 9 kallashnikovë, dy pistoleta, bajoneta, radio, uniforma kamuflazhi dhe kapuç.

“Ta Nea” sjell në vëmendje faktin se kjo ngjarje mori përmasa të mëdha në shtypin grek të kohës ku shkruhej se një grup paramilitarësh do të sulmonin shtetin fqinj.

Kjo histori e vjetër, ishte harruar ndoshta për shumicën e opinionit grek, por që në mediat e vendit fqinj u rikthye në lajm pas ankesës së ish-ministrit të Arsimit, Nikos Fili, i cili i kërkoi publikisht pak ditë më parë kryeministrit Kiriakos Mitsotaqis që të përjashtojnë kadidaturën e Fredi Belerit nga lista e kandidatëve të tij për eurodeput të propozuar nga Demokracia e Re.

Gjithashtu, në shkrim thuhet se arrestimi i 7 personave, mes të cilëve edhe Fredi Beleri, u dha alarmin autoriteteve greke të kohës, pasi një vit më parë persona të panjohur kishin hyrë nga Greqia në Shqipëri dhe kishin vrarë dy ushtarë shqiptarë në repartin ushtarak të Peshkëpisë në Gjirokastër.

“Ta Nea” publikoi në numrin e sotëm edhe faqen e parë të saj të botuar të hënën e 20 mars 1995, që mbante titullin “7 provokatorët e kapur në kufi”./ CNA

 





Lajmet e fundit nga