web counter
LEXO PA REKLAMA!

SHKARKO APP

App Store
Google Play

E fundit!

x

Ambasada e SHBA-së identifikon Bashkinë e Tiranës me korrupsionin

19 Prill 2024, 14:28, Aktualitet CNA
Ambasada e SHBA-së identifikon Bashkinë e Tiranës me korrupsionin
Ambasada amerikane dhe Erion Veliaj

Në një reagim të bërë nga ambasada e SHBA-së në Tiranë sot në mesditë, pas protestës të organizuar nga aktivistët për mbrojtjen e teatrit dhe opozita, për herë të parë Bashkia e Tiranës identifikohet me korrupsionin. 

Sipas njoftimit të bërë nga ambasada ku dënohen aktet e dhunës theksohet se "e drejta për t'u mbledhur në mënyrë paqësore për të protestuar dhe kërkuar veprim kundër korrupsionit, janë të gjitha jetike në çdo demokraci". Më tej ambasada thekson se nuk duhet dhuna. 

Për herë të parë ambasada e SHBA-së nënvizon mesazhin: për të protestuar dhe për të kërkuar veprim kundër korrupsionit dhe sot opozita po protestonte, kundër korrupsionit në Bashkinë e Tiranës dhe kërkonte reagimin e SPAK, kundër korrupsionit të drejtorëve të Erion Veliajt, kundër korrupsionit të bashkisë dhe kryetarit të saj, i cili po kërkon ta trajtojë çështjen si një vogëlsirë të ndodhur në korridoret e institucionit. 

Në fakt ambasada është mjaft e qartë, qytetarët të protesojnë, godina e korrupsionit është godina e bashkisë Tiranë. Ajo është e indentifikuar tashmë në qëndrimin e ambasadës të SHBA-së në Tiranë si godina e korrupsionit. 

Veprimet që kërkohen nga protestuesit janë kundër godinës së korrupsionit, kundër bashkisë së Tiranës dhe i drejtohen SPAK-ut për të vepruar më tej, për të ndëshkuar pa ndalim korrupsionin.

Denoncimi i dosjes "5D" dhe skandaleve të Ermal Kapllajnat, duhet të mbështeten nga qytetarët për të protestuar dhe për të vepruar kundër korrupsionit.

Gjithçka ka ardhur më një mesazh të qartë nga Ambasada e SHBA-ve në Tiranë/CNA 





Lajmet e fundit nga