LEXO PA REKLAMA!

SHKARKO APP

Skandal në Policinë Bashkiake të Tiranës/ Ermal Kapllanaj, presion efektivëve për propagandë

19 Prill 2024, 09:20, Denoncim CNA
Skandal në Policinë Bashkiake të Tiranës/ Ermal Kapllanaj,
Kreu i Policisë Bashkiake të Tiranës, Ermal Kapllanaj

Një skandal është regjistruar në Policinë Bashkiake të Tiranës.

Kreu i Policisë Bashkiake, Ermal Kapllanaj u ka bërë presion vartësve të tij dhe të gjithë punonjësve në polici që të bëjnë propagandë në rrjetet sociale.

Skandal në Policinë Bashkiake të Tiranës/ Ermal Kapllanaj,
Kryetari i Bashkisë së Tiranës, Erion Veliaj dhe kreu i Policisë Bashkiake, Ermal Kapllanaj

CNA ka siguruar disa mesazhe në grupin e “WhatsApp” të Policisë Bashkiake, ku Kapllanaj urdhëron punonjësit që të bëjnë sa më shumë “like” (pëlqime) për aktivitet e Erion Veliajt dhe bashkisë Tiranë.

Skandal në Policinë Bashkiake të Tiranës/ Ermal Kapllanaj,

Gjithashtu, ai i kërkon punonjësve të shpërndajnë statuset në rrjetet e tyre sociale dhe të bëjnë sa më shumë komente pozitive në statuset e policisë. Këtë urdhër, ai ia ka dhënë punonjësve të policisë të hënën e 15 prillit.

Skandal në Policinë Bashkiake të Tiranës/ Ermal Kapllanaj,

Në fakt, ky urdhër i Kapllanajt bie totalisht në kundërshtim me Ligjin për Policinë Bashkiake.

Në nenin 36 të këtij ligji, për të drejtat politike thuhet se punonjësi i Policisë Bashkiake nuk duhet të shprehë publikisht bindjet ose preferencat e tij politike gjatë kohës së ushtrimit të detyrës.

“Të drejtat politike

1. Policia Bashkiake është strukturë e depolitizuar.

2. Punonjësi i Policisë Bashkiake nuk mund të jetë anëtar i partive politike.

3. Punonjësi i Policisë Bashkiake nuk duhet të shprehë publikisht bindjet ose preferencat e tij politike gjatë kohës së ushtrimit të detyrës”, theksohet në nenin 36.

Skandal në Policinë Bashkiake të Tiranës/ Ermal Kapllanaj,

Megjithatë, Kapllanaj nuk pyet për ligjin, por duke bërë Maliqin urdhëron vartësit e tij të bëjnë propagandë politike dhe të shkelin ligjin bashkë me të.

Ky rast tregon fare qartë abuzimet dhe shkeljet e ligjit, për shkak të pushtetit që i jep posti për të mbështetur kryebashkiakun Erion Veliaj, i cili emëroi Kapllanajn si drejtues të policisë bashkiake.

Kapllanaj nga roli i drejtuesit të policisë është kthyer në propagandist për të shpëtuar shefin e tij të kapur me një bandë hajdutësh në bashkinë e Tiranës.

Erion Veliaj po përpiqet të zhvillojë aktivitete të shumta dhe ti japë një frymë pozitive hijes së zezë që ka rënë në Bashkinë e Tiranës pas arrestimit të te paktën 9 drejtorëve të rëndësishëm të këtij institucioni. Ndërkohë SPAK vazhdon hetimet për zyrtarë të tjerë të bashkisë Tiranë përfshirë dhe riolin e Kapllanajt në disa afera korruptive nën hetim./ CNA

Skandal në Policinë Bashkiake të Tiranës/ Ermal Kapllanaj,
Kryetari i Bashkisë së Tiranës, Erion Veliaj dhe kreu i Policisë Bashkiake, Ermal Kapllanaj

Lajmet e fundit nga