web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet email-i/ Ervin Muça u denoncua nga vartësit për të dhënat e TIMS-it

10 Prill 2024, 20:51, Denoncim CNA
Zbardhet email-i/ Ervin Muça u denoncua nga vartësit për
Foto ilustruese

Rreth një vit më parë u denoncua skandali me rrjedhjen e të dhënave nga sistemi TIMS-, çështje për të cilën ndodhet nën hetim Ervin Muça, drejtori i IT-së në Policinë e Shtetit.

Skandali u zbulua pas një email-i që i ishte dërguar Agjencisë së Mbikëqyrjes Policore nga specialistë të IT-së në Drejtorinë e Teknologjisë dhe Informacionit, më datë 3 gusht 2023.

Klodiana Lala zbuloi mbrëmjen e sotme në emisionin e saj “Në Shënjestër” email-in e specialistëve.

Këta të fundit denonconin te AMP-ja se Muça, kishte urdhëruar vartësit e tij, pra specialistët, që të eksportonin menjëherë në një hard disk të jashtëm të dhëna të sistemit TIMS, ku përfshiheshin edhe aksione të ndërmarra nga policia apo edhe dosje hetimore.

“Ne që po ju shkruajmë, po denoncojmë një skandal që ka lidhje me një vjedhje që po ndodh në zyrat e Policisë së Shtetit. Sot më datë 2 Gusht 2023, Drejtori i Departamentit të Teknologjisë së Informacionit në Policinë e Shtetit, i sapoemëruari (disa ditë para se të vijë ministër Taulant Balla) Ervin Muça, urdhëroi verbalisht gjithë punonjësit e databazës dhe serverave të kryejnë exportim të menjëhershëm të të gjithë bazës së të dhënave të sistemit TIMS në një Hard Disk të jashtëm, te një USB e madhe që mbahej në xhep nga ky person”, thuhej në email.

Ishte pikërisht ky email që vuri në lëvizje institucionet dhe prokuroria nisi menjëher hetimet për të dhënat e rrjedhura nga sistemi TIMS./ CNA





Lajmet e fundit nga