web counter
LEXO PA REKLAMA!

SHKARKO APP

App Store
Google Play

Ambasada e SHBA-së: Protestoni kundër korrupsionit me mjete paqësore

19 Prill 2024, 14:12, Aktualitet CNA
Ambasada e SHBA-së: Protestoni kundër korrupsionit me mjete
Ambasada amerikane

Ambasada amerikane në Tiranë u ka bërë thirrje të gjithë qytetarëve që të protesojnë edhe para Bashkisë Tiranë, por me mjete paqësore. 

Në reagim theksohet se e drejta për t’u mbledhur në mënyrë paqësore, për të protestuar dhe për të kërkuar veprim kundër korrupsionit janë të gjitha jetike në çdo demokraci. 

'Ambasada e Shteteve të Bashkuara dënon aktet e dhunës gjatë protestës së sotme pranë Bashkisë së Tiranës. E drejta për t’u mbledhur në mënyrë paqësore, për të protestuar dhe për të kërkuar veprim kundër korrupsionit janë të gjitha jetike në çdo demokraci, por nuk ka vend për dhunën e ndërmarrë nga organizatorët", theksohet në deklaratë

Afro dy orë ka zgjatur protesta e tretë para Bashkisë së Tiranës, ku qytetarët kërkuan me çdo kusht dorëheqjen e kryebashkiakut Erion Veliaj.

Nuk munguan tensionet, përplasjet me policinë, pasi protestuesit tentuan të futeshin brenda godinës së bashkisë. U hodhën edhe flakadanë dhe shishe me bezinë, si pasojë u krijua edhe zjarr para godinës.

Ata tentuan të hiqnin edhe barrierat, por dhjetëra forca policie kishin rrethuar godinën dhe nuk lejuan që qytetarët të depërtonin në këtë institucion. 

Madje nuk u lejuan të futeshin në bashki as anëtarët e Këshillit Bashkiak, të cilët hodhën akuza ndaj policisë, si bashkëpunëtore e Erion Veliajt./CNA 

 





Lajmet e fundit nga